സൗദിയിൽ 436 പേർ കൂടി കോവിഡ്​ മുക്തി നേടി

റിയാദ്​: സൗദി അറേബ്യയിൽ കോവിഡ്​ ബാധയിൽ നിന്ന്​ 436 പേർ കൂടി മുക്തരായി. 381 പേർക്ക്​​ പുതുതായി രോഗബാധ സ്ഥിരീകരിച്ചു​. രാജ്യത്തെ വിവിധയിടങ്ങളിൽ 17 പേർ കൂടി കോവിഡ്​ ബാധിച്ച്​ മരിച്ചു. ആകെ റിപ്പോർട്ട്​ ചെയ്​ത 348,037 പോസിറ്റീവ്​ കേസുകളിൽ 334,672 പേർ രോഗമുക്തി നേടി. 7928 പേർ രാജ്യത്തെ വിവിധ ആശുപത്രികളിലും മറ്റും ചികിത്സയിൽ കഴിയുന്നു. ഇതിൽ 755 പേർ ഗുരുതരാവസ്ഥയിലാണ്​. ഇവർ തീവ്രപരിചരണ വിഭാഗങ്ങളിലാണ്​.

രാജ്യത്തെ കോവിഡ്​ മുക്തി നിരക്ക്​ 96.2 ശതമാനമായി ഉയർന്നു. ആകെ മരണസംഖ്യ 5437 ആയി. മരണനിരക്ക്​ 1.5 ശതമാനമായി തുടരുന്നു. 24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ മദീനയിലാണ്, 72. മക്ക​​​ 49, റിയാദ്​​ 37, യാംബു 22, ജിദ്ദ​​ 18, ഹുഫൂഫ്​​​​​ 15, അറാർ​​​ 9, ബല്ലസ്​മർ​ 8, ദഹ്​റാൻ 8, അയൂൺ അൽജുവ​​ 7, ദമ്മാം​​ 7, മുബറസ്​​ 6, ബുറൈദ 6, അബൂഅരീഷ്​​​ 5 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.