സൗദിയിൽ 38 പേർക്ക്​ കൂടി കോവിഡ്​, ഒരു മരണം

റിയാദ്: സൗദി അറേബ്യയിൽ കഴിഞ്ഞ 24 മണിക്കൂറിനിടയിൽ 38 പേർക്ക്​ കൂടി കോവിഡ്​ ബാധ സ്ഥിരീകരിച്ചു. ഒരു മരണം കോവിഡ്​ മൂലമാണെന്ന്​ റിപ്പോർട്ട്​ ചെയ്​തു. 51 പേർ രോഗമുക്തി നേടി. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,49,377 ഉം രോഗമുക്തരുടെ എണ്ണം 5,38,463 ഉം ആയി. ആകെ മരണസംഖ്യ 8,821 ആയി.

ചികിത്സയിൽ കഴിയുന്നവരിൽ 43 പേർക്കാണ്​​ ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ നില തൃപ്​തികരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 12, ജിദ്ദ 10, മക്ക 3, ഖോബാർ 2, മറ്റ്​ 10 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 46,939,182 ഡോസ് കോവിഡ്​ വാക്​സിൻ വിതരണം ചെയ്​തു.