കോവിഡ്; സൗദിയിൽ കോവിഡ് രോഗം ബാധിച്ചവരുടെ എണ്ണം അഞ്ച് ലക്ഷത്തോടടുത്തു

ജിദ്ദ: സൗദിയിൽ കോവിഡ് രോഗം ബാധിച്ചവരുടെ എണ്ണം അഞ്ച് ലക്ഷത്തോടടുത്തു. രാജ്യത്താകെ ഇന്ന് 1,207 പുതിയ രോഗികളും 1,195 രോഗമുക്തിയും റിപ്പോർട്ട് ചെയ്തു. ഇതോടെ രാജ്യത്താകെ കോവിഡ് രോഗികളുടെ എണ്ണം 4,96,516 ഉം ആകെ രോഗമുക്തരുടെ എണ്ണം 4,76,643 ഉം ആയി. 14 കോവിഡ് മരണങ്ങളും ഇന്ന് റിപ്പോർട്ട് ചെയ്തു. ഇതോടെ ആകെ മരിച്ചവരുടെ എണ്ണം 7,921 ആയി. വിവിധ ആശുപത്രികളിലും മറ്റുമായി കോവിഡ് ചികിത്സയിലുള്ളവരുടെ എണ്ണം 11,952 ആണ്. ഇവരിൽ 1,379 പേരുടെ നില ഗുരുതരമാണ്.

ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96 ശതമാനവും മരണനിരക്ക് 1.60 ശതമാനവുമാണ്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 307, കിഴക്കൻ പ്രവിശ്യ 264, മക്ക 222, അസീർ 184, ജീസാൻ 67, നജ്റാൻ 46, തബൂക്ക് 28, മദീന 23, ഹാഇൽ 23, അൽബാഹ 19, വടക്കൻ അതിർത്തി മേഖല 12, അൽ ഖസീം 6, അൽ ജൗഫ് 6.