സൗദി അറേബ്യയിൽ കോവിഡ്​ പരിശോധന 50 ലക്ഷം കവിഞ്ഞു

റിയാദ്: സൗദി അറേബ്യയിൽ കോവിഡ്​ പരിശോധന 50 ലക്ഷം കവിഞ്ഞു. ശനിയാഴ്​ചത്തെ കണക്ക്​ പുറത്തുവന്നപ്പോൾ രാജ്യത്ത്​ ഇതുവരെ നടത്തിയത്​ 5,026,127 പി.സി.ആർ ടെസ്​റ്റുകളാണെന്ന്​ വ്യക്തമായി. ശനിയാഴ്​ച മാത്രം 52,008 ടെസ്​റ്റുകളാണ്​ നടന്നത്​. രാജ്യത്ത്​ കോവിഡ്​ വ്യാപനം കുറയുന്നതി​െൻറ ശക്തമായ സൂചനയായി പുതുതായി സ്ഥിരീകരിക്കുന്ന രോഗികളുടെ പ്രതിദിന എണ്ണം ആയിരത്തിന്​ താഴെയായി. നാല്​ മാസത്തിനിടെ ആദ്യമായാണ്​ പ്രതിദിന കണക്കിൽ പുതിയ രോഗികളുടെ എണ്ണം ആയിരത്തിൽ താഴെയാകുന്നത്​.

പുതുതായി 987 പേർക്ക്​ മാത്രമാണ്​ കോവിഡ്​ പോസിറ്റീവായത്​.1038 രോഗികൾ സുഖം പ്രാപിച്ചു. മരണനിരക്കിലും കുറവുണ്ടായി. 24 മണിക്കൂറിനിടെ രാജ്യത്ത് 27 മരണമാണ്​ രേഖപ്പെടുത്തിയത്​. ഇതുവരെ ആകെ റിപ്പോർട്ട്​ ചെയ്​ത കോവിഡ്​ കേസുകളുടെ എണ്ണം 313911 ആയി. ഇതിൽ 288441 പേരും രോഗമുക്തി നേടി. രാജ്യത്തിനുള്ളിലെ ആകെ രോഗമുക്തി നിരക്ക്​ 91.9 ശതമാനമായി ഉയർന്നു. ചികിത്സയിൽ കഴിയുന്നവരുടെ എണ്ണം 21630 ആയി കുറഞ്ഞു. ഇതിൽ 1555 പേരുടെ ​ആരോഗ്യ​ സ്ഥിതി മാത്രമാണ്​ ഗുരുതരം​. ഇവർ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ ​ആരോഗ്യനില തൃപ്തികരമാണ്​.

ആകെ മരണസംഖ്യ 3840 ആയി ഉയർന്നു. റിയാദ്​ 13, മക്ക 1, ഹുഫൂഫ്​ 3, മുബറസ്​ 3, ഹാഇൽ 1, ഹഫർ അൽബാത്വിൻ 1, അബൂ അരീഷ്​ 2, സാംത 2, അറാർ 1 എന്നിവിടങ്ങളിലാണ്​ ശനിയാഴ്​ച മരണം സംഭവിച്ചത്​. 24 മണിക്കൂറിനിടെ പുതിയ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ മക്കയിലാണ്​, 69. തബൂക്കിൽ 58ഉം ജിദ്ദയിൽ 51ഉം റിയാദിൽ 48ഉം ജീസാനിൽ 44ഉം ഹാഇലിൽ 37ഉം ഹുഫൂ-ഫിൽ 35ഉം പുതിയ കേസുകൾ റിപ്പോർട്ട്​ ചെയ്​തു.

മരണം പ്രദേശം തിരിച്ച കണക്ക്​:

റിയാദ്​ 965, ജിദ്ദ 807, മക്ക 626, ഹുഫൂഫ്​ 205, ത്വാഇഫ്​ 171, മദീന 128, ദമ്മാം 120, ബുറൈദ 76, തബൂക്ക്​ 59, അറാർ 54, മുബറസ്​ 48, ഹാഇൽ 46, ജീസാൻ 46, ഹഫർ അൽബാത്വിൻ 44, മഹായിൽ 32, ഖത്വീഫ് 31, സബ്​യ 26, അൽബാഹ 23, സകാക 21, വാദി ദവാസിർ 21, അൽറസ്​ 19, ഖമീസ്​ മുശൈത്ത്​​ 19, അബഹ 17, ഖർജ്​ 17, ബീഷ​ 17, അൽഖുവയ്യ 17, ബെയ്​ഷ്​ 17, അബൂഅരീഷ്​ 17, ഖോബാർ 15, ​അയൂൺ 12, നജ്​റാൻ 11, അൽമജാരിദ 10, ഉനൈസ 10, സാംത 7, ഹുറൈംല 6, റിജാൽ അൽമ 6, ജുബൈൽ 5, അൽനമാസ്​ 5, സു​ൈലയിൽ 4, അഹദ്​ റുഫൈദ 4, ദർബ്​ 4, നാരിയ 3, ഖുൻഫുദ 3, ശഖ്​റ 3, യാംബു 3, അൽഅർദ 3, അൽമദ്ദ 3, മുസാഹ്​മിയ 3, അൽബദാഇ 2, ദഹ്​റാൻ 3, ഖുറയാത്​ 2, ഹുത്ത സുദൈർ 2, ഹുത്ത ബനീ തമീം 2, ബല്ലസ്​മർ 2, അൽദായർ 2, റഫ്​ഹ 1, സുൽഫി 1, ദുർമ 1, താദിഖ്​ 1, മൻദഖ്​ 1, ഫുർസാൻ 1, ദൂമത്​ അൽജൻഡൽ 1, ദറഇയ 1, അൽ-ജഫർ 1, അല്ലൈത്​ 1, ഖൈസൂമ 1, അയൂൺ അൽജുവ 1, സാറാത്​ ഉബൈദ 1.