സൗദിയിൽ രോഗികളുടെ എണ്ണം പതിനായിരം കടന്നു

റിയാദ്​: സൗദി അറേബ്യയിൽ രോഗബാധിതരുടെ എണ്ണം പതിനായിരം കടന്നു. മരണ സംഖ്യ നൂറ്​ കവിഞ്ഞു. രോഗമുക്തർ ആയിരത്തഞ്ഞൂ റോളവുമായി. പുതുതായി 1122 പേർക്ക്​ കൂടി രോഗം സ്ഥിരീകരിച്ചതോടെ ആകെ വൈറസ്​ ബാധിതരുടെ എണ്ണം 10484 ആയി. തിങ്കളാഴ്​ച ആറ ുപേർ കൂടി മരിച്ച്​ ആകെ മരണസംഖ്യ 103 ആയി. എന്നാൽ 92പേർക്ക്​ പുതുതായി സുഖം പ്രാപിച്ചതോടെ രോഗമുക്തരുടെ എണ്ണം 1490 ആയി . ആകെ രോഗബാധിതരിൽ 27 ശതമാനം മാത്രമാണ്​ സൗദി പൗരന്മാർ.

73 ശതമാനവും വിദേശികളാണ്​. ഒരു മാസം മാത്രം പ്രായമായ കുഞ്ഞ്​ മുതൽ 96 വയസ്​ വരെ പ്രായമുള്ളവർ രോഗികളിലുണ്ട്​. 8891 പേരാണ്​ ചികിത്സയിൽ തുടരുന്നത്​. ഇതിൽ 88 പേരുടെ നില ഗുരുതരമാണ്​. അവർ തീവ്രപരിചരണ വിഭാഗത്തിലാണ്​. ഇൗ ദിവസങ്ങളിൽ രോഗികളുടെ എണ്ണത്തിൽ ഇത്ര വർധനയുണ്ടാവുന്നത്​ ആരോഗ്യ വകുപ്പ്​ ഫീൽഡിലിറങ്ങി ആളുകൾക്കിടയിൽ പരിശോധന നടത്തുന്നത്​ കൊണ്ടാണെന്നും വരും ദിവസങ്ങളിൽ സംഖ്യ വൻതോതിൽ ഉയരാമെന്നും ആരോഗ്യ മന്ത്രി ഡോ. തൗഫീഖ്​ അൽറബീഅ വാർത്താസ​േമ്മളനത്തിൽ പറഞ്ഞു.

അതേസമയം തിങ്കളാഴ്​ച മരിച്ച ആറുപേരും വിദേശികളാണെന്നും അഞ്ചുപേർ മക്കയിലും ഒരാൾ ജിദ്ദയിലുമാണ്​ മരി​ച്ചതെന്നും പതിവ്​ വാർത്താസമ്മേളനത്തിൽ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി പറഞ്ഞു. മരണപ്പെട്ടവർ 23നും 70നും ഇടയിൽ പ്രായമുള്ളവരാണ്​​. കോവിഡ്​ ബാധിതരുടെ എണ്ണത്തിൽ മക്കയാണ്​ തുടർച്ചയായി മുന്നിലാണ്​. ഇവിടെ രോഗികളുടെ എണ്ണം 2552 ആയി​.

പുതിയ രോഗികൾ: മക്ക (402), റിയാദ്​ (200), ജിദ്ദ (186), മദീന (120), ദമ്മാം (78), ഹുഫൂഫ്​ (63), ജുബൈൽ (39), ത്വാഇഫ്​ (16), അൽഖോബാർ (അഞ്ച്​), അബഹ (മൂന്ന്​), ബുറൈദ (മൂന്ന്​), നജ്​റാൻ (മൂന്ന്​), അൽമദ്ദ (ഒന്ന്​), യാംബു (ഒന്ന്​), സുൽഫി (ഒന്ന്​), ദറഇയ (ഒന്ന്​)

മരണസംഖ്യ: മക്ക (37), മദീന (32), ജിദ്ദ (18), റിയാദ്​ (4), ഹുഫൂഫ്​ (3), ജീസാൻ (ഒന്ന്​), ഖത്വീഫ് (ഒന്ന്​)​, ദമ്മാം (ഒന്ന്​), അൽഖോബാർ (ഒന്ന്​), ഖമീസ്​ മുശൈത്ത് (ഒന്ന്​)​, ബുറൈദ (ഒന്ന്​), ജുബൈൽ (ഒന്ന്​), അൽബദാഇ (ഒന്ന്​), തബൂക്ക്​ (ഒന്ന്​).