കോവിഡ്: സൗദിയിൽ ഇന്ന് 101 പുതിയ കേസുകളും 9 മരണവും
text_fields
റിയാദ്: സൗദി അറേബ്യയിൽ ശനിയാഴ്ച പുതുതായി കോവിഡ് സ്ഥിരീകരിച്ചത് 101 പേർക്ക്. കോവിഡ് ബാധിച്ച് ചികിത്സയിലായിരുന്ന ഒമ്പത് പേർ രാജ്യത്ത് വിവിധ ഭാഗങ്ങളിലായി മരിച്ചു. 182 രോഗബാധിതർ സുഖം പ്രാപിച്ചു. ഇതോടെ രാജ്യത്ത് റിപ്പോർട്ട് ചെയ്ത കോവിഡ് കേസുകളുടെ ആകെ എണ്ണം 362979 ഉം രോഗമുക്തരുടെ എണ്ണം 354263 ഉം ആയി.
മരണസംഖ്യ 6239 ആയി ഉയർന്നു. അസുഖ ബാധിതരായി രാജ്യത്ത് ബാക്കിയുള്ളത് 2477 പേരാണ്. ഇതിൽ 354 പേർ മാത്രമാണ് ഗുരുതരാവസ്ഥയിലുള്ളത്. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്
. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമായി തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 43, മക്ക 24, കിഴക്കൻ പ്രവിശ്യ 14, ഖസീം 4, മദീന 3, തബൂക്ക് 3, ഹാഇൽ 3, അസീർ 2, നജ്റാൻ 2, അൽബാഹ 2, അൽജൗഫ് 1.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.