ടൂ​റി​സം മേ​ഖ​ല​യി​ൽ റെ​ക്കോ​ഡു​ക​ൾ മ​റി​ക​ട​ന്ന് സൗ​ദി അ​റേ​ബ്യ

യാം​ബു: ടൂ​റി​സം മേ​ഖ​ല​യി​ൽ റെ​ക്കോ​​ഡ് മ​റി​ക​ട​ന്ന് സൗ​ദി അ​റേ​ബ്യ. അ​ന്താ​രാ​ഷ്​​ട്ര ടൂ​റി​സ്​​റ്റു​ക​ളു​ടെ എ​ണ്ണം, അ​വ​ർ രാ​ജ്യ​ത്ത് ചെ​ല​വി​ടു​ന്ന പ​ണം എ​ന്നി​വ​യി​ലാ​ണ് വ​ർ​ധ​ന രേ​ഖ​പ്പെ​ടു​ത്തി​യ​ത്. 2025ലെ ​ആ​ദ്യ മൂ​ന്നു​മാ​സ​ത്തി​നി​ടെ ടൂ​റി​സ്​​റ്റു​ക​ളു​ടെ ചെ​ല​വ​ഴി​ക്ക​ലി​ൽ റെ​ക്കോ​ഡ് വ​ള​ർ​ച്ച​യാ​ണ് കൈ​വ​രി​ച്ച​ത്.

സ​ന്ദ​ർ​ശ​ക​ർ ഈ ​കാ​ല​യ​ള​വി​ൽ ത​ന്നെ 4,940 കോ​ടി റി​യാ​ൽ രാ​ജ്യ​ത്ത് ചെ​ല​വ​ഴി​ച്ച​താ​യാ​ണ് ക​ണ​ക്ക്. ടൂ​റി​സം മ​ന്ത്രാ​ല​യം പ്ര​സി​ദ്ധീ​ക​രി​ച്ച മേയ് മാ​സ​ത്തെ പേ​യ്‌​മെൻറ്​ ബാ​ല​ൻ​സി​ലെ യാ​ത്രാ​യി​ന​ത്തി​ലെ ഡേ​റ്റ പ്ര​കാ​രം 2024ലെ ​ഇ​തേ കാ​ല​യ​ള​വി​നെ അ​പേ​ക്ഷി​ച്ച് ഈ ​ക​ണ​ക്ക് 9.7 ശ​ത​മാ​നം വ​ള​ർ​ച്ച​യെ സൂ​ചി​പ്പി​ക്കു​ന്നു. ഈ ​കാ​ല​യ​ള​വി​ൽ രാ​ജ്യം 2,680 കോ​ടി റി​യാ​ലാ​യി ക​ണ​ക്കാ​ക്ക​പ്പെ​ടു​ന്ന പേ​മെൻറ്​ ബാ​ല​ൻ​സി​െൻറ യാ​ത്രാ​യി​ന​ത്തി​ൽ മി​ച്ചം കൈ​വ​രി​ച്ചു. 2024ലെ ​ഇ​തേ കാ​ല​യ​ള​വി​നെ അ​പേ​ക്ഷി​ച്ച് ഏ​ക​ദേ​ശം 11.7 ശ​ത​മാ​നം വ​ള​ർ​ച്ച നി​ര​ക്കാ​ണ് ഇ​ത് ചൂ​ണ്ടി​ക്കാ​ണി​ക്കു​ന്ന​തെ​ന്ന് റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു.

ഈ ​വ​ർ​ഷ​ത്തെ ആ​ദ്യ പാ​ദ​ത്തി​ൽ പേ​മെൻറ്​ ബാ​ല​ൻ​സി​ൽ യാ​ത്രാ​മി​ച്ച​ത്തി​ൽ ഉ​ണ്ടാ​യ ഗ​ണ്യ​മാ​യ വ​ള​ർ​ച്ച ടൂ​റി​സം മേ​ഖ​ല​യെ മെ​ച്ച​പ്പെ​ടു​ത്തു​ന്ന​തി​നും ദേ​ശീ​യ സ​മ്പ​ദ്‌ വ്യ​വ​സ്ഥ​യു​ടെ വ​ള​ർ​ച്ച​ക്കും ആ​ക്കംകൂ​ട്ടി. സൗ​ദി ടൂ​റി​സം സം​വി​ധാ​ന​ത്തി​​ന്റെ മ​റ്റു ഘ​ട​ക​ങ്ങ​ൾ ന​ൽ​കി​യ സം​ഭാ​വ​ന​ക​ളും നേ​ട്ട​ത്തി​ന് വ​ഴി​വെ​ച്ച​താ​യി മ​ന്ത്രാ​ല​യം വി​ശ​ദീ​ക​രി​ച്ചു. രാ​ജ്യ​ത്തെ ടൂ​റി​സം മേ​ഖ​ല സാ​ക്ഷ്യം വ​ഹി​ക്കു​ന്ന വി​ക​സ​ന​ത്തെ​യും നേ​ട്ടം അ​ടി​വ​ര​യി​ടു​ന്നു.

മി​ക​ച്ച ടൂ​റി​സം വി​ക​സ​ന രീ​തി​ക​ൾ പ്ര​യോ​ഗി​ക്കു​ന്ന​തി​ലൂ​ടെ​യും ടൂ​റി​സം സേ​വ​ന​ങ്ങ​ളു​ടെ​യും ഉ​ൽ​പ​ന്ന​ങ്ങ​ളു​ടെ​യും പു​രോ​ഗ​തി​യി​ലൂ​ടെ​യും രാ​ജ്യ​ത്തെ ടൂ​റി​സം മേ​ഖ​ല​യു​ടെ വി​ക​സ​ന​ത്തി​നും സൗ​ദി വി​ഷ​ൻ 2030ന്റെ ​ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​നും വ​ഴി​വെ​ച്ചു. സൗ​ദി​യു​ടെ വൈ​വി​ധ്യ​മാ​ർ​ന്ന ടൂ​റി​സം സം​വി​ധാ​ന​ങ്ങ​ളി​ലും അ​വ​യു​ടെ ഗു​ണ​നി​ല​വാ​ര​ത്തി​ലും വി​ദേ​ശ​സ​ഞ്ചാ​രി​ക​ളു​ടെ വി​ശ്വാ​സം വ​ർ​ധി​ച്ച​താ​ണ് ടൂ​റി​സ്​​റ്റു​ക​ളു​ടെ വ​ര​വ് വ​ർ​ധി​ക്കാ​ൻ കാ​ര​ണം.

ക​ഴി​ഞ്ഞ വ​ർ​ഷം രാ​ജ്യാ​ന്ത​ര വി​നോ​ദ​സ​ഞ്ചാ​രി​ക​ളു​ടെ എ​ണ്ണ​ത്തി​ലു​ള്ള വ​ള​ർ​ച്ച​യു​ടെ കാ​ര്യ​ത്തി​ൽ ജി 20 ​രാ​ജ്യ​ങ്ങ​ളി​ൽ സൗ​ദി ഒ​ന്നാ​മ​തെ​ത്തി​യ​തും ടൂ​റി​സം മേ​ഖ​ല​യി​ലെ നേ​ട്ട​മാ​യി വി​ല​യി​രു​ത്തു​ന്നു. എ​ല്ലാ സ​ർ​ക്കാ​ർ ഏ​ജ​ൻ​സി​ക​ളു​ടെ​യും സം​യു​ക്ത​മാ​യ സ​ഹ​ക​ര​ണം രാ​ജ്യ​ത്തെ ആ​ഗോ​ള​ത​ല​ത്തി​ൽ മി​ക​ച്ച സ്ഥാ​നം കൈ​വ​രി​ക്കാ​ൻ വ​ഴി​വെ​ച്ച​താ​യും ടൂ​റി​സം മ​ന്ത്രാ​ല​യം ക​ഴി​ഞ്ഞ​ദി​വ​സം പു​റ​ത്തി​റ​ക്കി​യ റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി.