സൗദിയിൽ ബാർബർ ഷോപ്പുകൾക്ക്​ ഞായറാഴ്ച മുതൽ തുറക്കാം

ജിദ്ദ: കർഫ്യൂ ഉൾപ്പെടെയുള്ള നിയന്ത്രണങ്ങൾ പൂർണമായും നീക്കിയതോടെ ഞായറാ​ഴ്​ച മുതൽ കോവിഡ്​ പ്രതിരോധ മുൻകരുതൽ പ്രോ​േട്ടാ​​​കോളുകൾ പാലിച്ച്​ ബാർബർ  ഷാപ്പുകൾക്ക്​ തുറന്നു പ്രവർത്തിക്കാമെന്ന്​ സൗദി മുനിസിപ്പൽ ​ഗ്രാമകാര്യ മന്ത്രാലയം അറിയിച്ചു. ലേഡീസ്​ ബ്യൂട്ടി പാർലറുകൾക്കും പ്രവർത്താനുമതിയുണ്ട്​. രാജ്യത്തെ  മുഴുവൻ മേഖലകളിലും പട്ടണങ്ങളിലും കർഫ്യു പിൻവലിച്ച്​ കച്ചവട, സാമ്പത്തിക സ്​ഥാപനങ്ങൾ തുറക്കാൻ അനുമതി നൽകിയ സാഹചര്യത്തിലാണ്​ മന്ത്രാലയം ഇക്കാര്യം  വ്യക്തമാക്കിയത്​.

കർശനമായ ആരോഗ്യമുൻകരുതൽ പാലിച്ചായിരിക്കണം പ്രവർത്തിക്കേണ്ടത്​. ബാർബർ ​േഷാപ്പുകൾക്കും ബ്യൂട്ടി പാർലറുകൾക്ക്​ പ്രവർത്തനത്തിന്​  മന്ത്രാലയം പ്രത്യേക ​പ്രോ​േട്ടാകാളുകൾ നിശ്ചയിച്ചിട്ടുണ്ട്​. നേരത്തെ ബുക്കിങ്​ നടത്തിയവരെ മാത്രം സ്വീകരിക്കുക, ആളുകളുടെ കാത്തിരിപ്പ്​ ഷോപ്പിന്​ പുറത്താക്കണം,  സമൂഹ അകലം പാലിക്കണം, ജോലിക്കാർ ഇടയ്​ക്കിടെ സോപ്പ്​ ഉപയോഗിച്ച്​ കൈകഴുകണം തുടങ്ങിയവ ബാർബർഷാപ്പുകൾക്കും ഉപയോഗിച്ച ഉപകരണങ്ങൾ വീണ്ടും  ഉപയോഗിക്കാതിരിക്കുക, മുടിവെട്ടുന്ന സമയത്ത്​ മാസ്​ക്​ ധരിക്കുക തുടങ്ങിയവ ലേഡീസ്​ ബ്യൂട്ടി പാർലറുകൾക്കും നിശ്ചയിച്ച പ്രോ​േട്ടാകാളുകളിലുൾപ്പെടും.

കോവിഡ്​  പ്രതിരോധ നടപടികളുടെ ഭാഗമായി മൂന്ന്​ മാസം മുമ്പാണ്​ രാജ്യ​ത്തെ ബാർബർ ​േഷാപ്പുകളും ബ്യൂട്ടി പാർലറുകളും അടച്ചിട്ടത്​​. കർഫ്യുവിൽ ഭാഗിക ഇളവ്​ നൽകിയപ്പോൾ  പല സ്​ഥാപനങ്ങൾക്കും പ്രവർത്തനാനുമതി നൽകിയിരുന്നുവെങ്കിലും സമൂഹ അകലം പാലിക്കാൻ കഴിയാത്ത സ്​ഥാപനങ്ങളായതിനാൽ ആ​രോഗ്യ സുരക്ഷ കണയ്​ ക്കിലെടുത്ത്​ ബാർബർ​േഷാപ്പുകൾക്ക് പ്രവർത്തനാനുമതി നൽകിയിരുന്നില്ല.