സൗദി, ഇന്ത്യൻ വിദേശകാര്യ മന്ത്രിമാർ കൂടിക്കാഴ്​ച നടത്തി

ജിദ്ദ: സൗദി അറേബ്യയുടെ വിദേശകാര്യ മന്ത്രി അമീർ ഫൈസൽ ബിൻ ഫർഹാനും ഇന്ത്യൻ വിദേശകാര്യ മന്ത്രി ഡോ. സുബ്രമണ്യം ജയശങ്കറും കൂടിക്കാഴ്​ച നടത്തി. ഇന്തോനേഷ്യയിലെ ബാലി ദ്വീപിൽ നടക്കുന്ന ജി20 വിദേശകാര്യ മന്ത്രിമാരുടെ യോഗത്തിനിടെയാണ് ഇരു വിദേശകാര്യ മന്ത്രിമാരും കൂടിക്കാഴ്​ച നടത്തിയത്​.

സംയുക്ത സഹകരണത്തിന്റെ പല മേഖലകളിലെയും സൗദി-ഇന്ത്യ ബന്ധങ്ങളുടെ വിവിധ വശങ്ങൾ അവലോകനം ചർച്ച ചെയ്​തു. ഇരു രാജ്യങ്ങളുടെയും താൽപ്പര്യങ്ങൾ ശക്തിപ്പെടുത്തുന്നതിനും രാജ്യങ്ങൾക്കും ജനങ്ങൾക്കും കൂടുതൽ സ്ഥിരതയും സമൃദ്ധിയും കൈവരിക്കുന്നതിനും അവയെ പിന്തുണയ്ക്കുന്നതിനും മെച്ചപ്പെടുത്തുന്നതിനുമുള്ള വഴികളും ചർച്ച ചെയ്​തു.

ഇന്തോനേഷ്യയിലെ സൗദി അംബാസഡർ ഇസാം അൽസഖഫി, സൗദി വിദേശകാര്യ മന്ത്രി ഓഫീസ്​ മേധാവി അബ്​ദുറഹ്​മാൻ അൽദാവൂദ്​ എന്നിവരും കൂടിക്കാഴ്ചയിൽ പ​ങ്കെടുത്തു.