തേ​ജ് ചു​ഴ​ലി​ക്കാ​റ്റ്​ നാ​ശം വി​ത​ച്ച യ​മ​നി​ൽ സൗ​ദി​യു​ടെ സ​ഹാ​യം

യാം​ബു: അ​റ​ബി​ക്ക​ട​ലി​ൽ രൂ​പം കൊ​ണ്ട അ​തി​തീ​വ്ര ചു​ഴ​ലി​ക്കാ​റ്റാ​യ ‘തേ​ജ്’ നാ​ശം വി​ത​ച്ച യ​മ​നി​ൽ ദു​രി​ത​മ​നു​ഭ​വി​ക്കു​ന്ന​വ​ർ​ക്ക് സൗ​ദി അ​റേ​ബ്യ​യു​ടെ സ​ഹാ​യം. ചു​ഴ​ലി​ക്കാ​റ്റ്​ വ​ലി​യ നാ​ശ​മു​ണ്ടാ​ക്കി​യ യ​മ​നി​ലെ അ​ൽ​മ​ഹ്റ ഗ​വ​ർ​ണ​റേ​റ്റ്​ പ​രി​ധി​യി​ലെ ജ​ന​ങ്ങ​ൾ​ക്ക് അ​ടി​യ​ന്ത​ര സ​ഹാ​യം അ​നി​വാ​ര്യ​മാ​ണെ​ന്ന് വി​ല​യി​രു​ത്തി​യ സാ​ഹ​ച​ര്യ​ത്തി​ലാ​ണ് സൗ​ദി അ​റേ​ബ്യ​യു​ടെ ജീ​വ​കാ​രു​ണ്യ ഏ​ജ​ൻ​സി​യാ​യ കി​ങ്​ സ​ൽ​മാ​ൻ ഹ്യു​മാ​നി​റ്റേ​റി​യ​ൻ എ​യ്​​ഡ്​ ആ​ൻ​ഡ്​ റി​ലീ​ഫ്​ സെൻറ​ർ (കെ.​എ​സ് റി​ലീ​ഫ്) സ​ഹാ​യം എ​ത്തി​ക്കു​ന്ന​ത്.

അ​ൽ മ​ഹ്റ ഗ​വ​ർ​ണ​റേ​റ്റി​ലെ ജ​ന​ങ്ങ​ൾ​ക്ക് അ​ടി​സ്ഥാ​ന സൗ​ക​ര്യ​ങ്ങ​ൾ​ക്കും വീ​ടു​ക​ൾ​ക്കും വ്യാ​പ​ക​മാ​യ നാ​ശ​മാ​ണ് തേ​ജ് ചു​ഴ​ലി​ക്കാ​റ്റ് വ​രു​ത്തി​വെ​ച്ച​ത്. അ​ൽ മ​ഹ്‌​റ​യി​ലെ ഹ​സ്‌​വെ​യ്ൻ ജി​ല്ല​യി​ലു​ള്ള 2450 കു​ടും​ബ​ങ്ങ​ൾ​ക്കാ​ണ്​ ക​ഴി​ഞ്ഞ ദി​വ​സം സ​ഹാ​യം എ​ത്തി​ച്ച​ത്. 50 താ​ൽ​ക്കാ​ലി​ക വീ​ടു​ക​ൾ​ക്കു​ള്ള നി​ർ​മാ​ണ സാ​മ​ഗ്രി​ക​ളും 150 ഭ​ക്ഷ​ണ​ക്കി​റ്റു​ക​ളും 150 ഈ​ത്ത​പ്പ​ഴ പെ​ട്ടി​ക​ളു​മാ​ണ് വി​ത​ര​ണം ചെ​യ്​​ത​ത്.

സ​മീ​പ വ​ർ​ഷ​ങ്ങ​ളി​ൽ യ​മ​നി​ലു​ണ്ടാ​യ ഏ​റ്റ​വും വ​ലി​യ പ്ര​കൃ​തി ദു​ര​ന്ത​മാ​ണ്​ ഹ​സ്‌​വെ​യ്ൻ പ്ര​ദേ​ശ​ത്തു​ണ്ടാ​യ​തെ​ന്നും അ​ത്​ മ​ന​സ്സി​ലാ​ക്കി​യാ​ണ്​ സ​ഹാ​യം പ്ര​ഖ്യാ​പി​ച്ച​തെ​ന്നും കെ.​എ​സ് റി​ലീ​ഫ് വ​ക്താ​ക്ക​ൾ അ​റി​യി​ച്ചു. വി​ദേ​ശ രാ​ജ്യ​ങ്ങ​ളി​ൽ റി​ലീ​ഫ് പ്ര​വ​ർ​ത്ത​ന​ങ്ങ​ൾ വ്യ​വ​സ്ഥാ​പി​ത​മാ​യി ന​ട​ത്തു​ന്ന​തി​നും ദു​രി​താ​ശ്വാ​സ സേ​വ​ന​പ്ര​വ​ർ​ത്ത​ന​ങ്ങ​ൾ ഒ​രു കു​ട​ക്കീ​ഴി​ൽ ഏ​കോ​പി​പ്പി​ക്കു​ന്ന​തി​നും വേ​ണ്ടി സൗ​ദി അ​റേ​ബ്യ സ്ഥാ​പി​ച്ച ഏ​ജ​ൻ​സി​യാ​ണ്​ കെ.​എ​സ് റി​ലീ​ഫ് സെൻറ​ർ.