സൗദി എയ്​റോനോട്ടിക്കൽ എൻജിനീയറിങ്​ കമ്പനിയുടെ എൻജിൻ പാക്കേജിങ്​ കേന്ദ്രം ഉദ്​ഘാടനം ചെയ്​തു

ജി​ദ്ദ: സൗ​ദി എ​യ്റോ​നോ​ട്ടി​ക്ക​ൽ എ​ൻ​ജി​നീ​യ​റി​ങ്​ ക​മ്പ​നി​യു​ടെ പു​തി​യ ‘എ​ൻ​ജി​ൻ പാ​ക്കേ​ജി​ങ്​ കേ​ന്ദ്രം’ ഗ​താ​ഗ​ത-​ലോ​ജി​സ്​​റ്റി​ക് മ​ന്ത്രി എ​ൻ​ജി. സാ​ലി​ഹ് ബി​ൻ നാ​സ​ർ അ​ൽ​ജാ​സ​ർ ഉ​ദ്ഘാ​ട​നം ചെ​യ്തു.

എ​യ​ർ​ക്രാ​ഫ്റ്റ് എ​ൻ​ജി​നു​ക​ളു​ടെ​യും അ​വ​യു​ടെ ഘ​ട​ക​ങ്ങ​ളു​ടെ​യും അ​റ്റ​കു​റ്റ​പ്പ​ണി​ക​ൾ​ക്കു​ള്ള നൂ​ത​ന സൗ​ക​ര്യ​ങ്ങ​ളോ​ടു​ കൂ​ടി​യ കേ​ന്ദ്രം ജി​ദ്ദ വി​മാ​ന​ത്താ​വ​ള​ത്തി​ലെ മെ​യി​ൻ​റ​ന​ൻ​സ് വി​ല്ലേ​ജി​ലാ​ണ്​ നി​ർ​മി​ച്ച​ത്. പ​രി​ശീ​ല​നം പൂ​ർ​ത്തി​യാ​ക്കി​യ എ​യ​ർ​ക്രാ​ഫ്റ്റ് മെ​യി​ൻ​റ​ന​ൻ​സ് ടെ​ക്നീ​ഷ്യ​ന്മാ​രു​ടെ ബാ​ച്ചി​​ന്റെ ബി​രു​ദ​ദാ​ന​വും മ​ന്ത്രി നി​ർ​വ​ഹി​ച്ചു.

സൗ​ദി ഗ്രൂ​പ് ഡ​യ​റ​ക്ട​ർ ജ​ന​റ​ൽ എ​ൻ​ജി. ഇ​ബ്രാ​ഹിം ബി​ൻ അ​ബ്​​ദു​റ​ഹ്​​മാ​ൻ അ​ൽ​ഉ​മ​ർ, ജ​ന​റ​ൽ അ​തോ​റി​റ്റി ഓ​ഫ് സി​വി​ൽ ഏ​വി​യേ​ഷ​ൻ പ്ര​സി​ഡ​ൻ​റ് അ​ബ്​​ദു​ൽ അ​സീ​സ് ബി​ൻ അ​ബ്​​ദു​ല്ല അ​ൽ​ദു​വൈ​ല​ജ് എ​ന്നി​വ​ർ ച​ട​ങ്ങി​ൽ സ​ന്നി​ഹി​ത​രാ​യി. വി​ജ്ഞാ​നം കൈ​മാ​റു​ന്ന​തി​നും സ്വ​ദേ​ശി​വ​ത്​​ക​ര​ണം വി​പു​ലീ​ക​രി​ക്കു​ന്ന​തി​നും ഗ​താ​ഗ​ത-​ലോ​ജി​സ്​​റ്റി​ക് സം​വി​ധാ​ന​ത്തി​ലെ നി​ല​വാ​രം വ​ർ​ധി​പ്പി​ക്കു​ന്ന​തി​നു​മു​ള്ള നി​ക്ഷേ​പ പ​രി​പാ​ടി​ക​ളു​ടെ ഭാ​ഗ​മാ​യാ​ണ് എ​യ​ർ​ക്രാ​ഫ്റ്റ് എ​ൻ​ജി​ൻ പാ​ക്കേ​ജി​ങ്​ സെ​​​ൻ​റ​ർ സ്ഥാ​പി​ക്കു​ന്ന​തെ​ന്ന് ഗ​താ​ഗ​ത മ​ന്ത്രി പ​റ​ഞ്ഞു.

ദേ​ശീ​യ ഗ​താ​ഗ​ത-​ലോ​ജി​സ്​​റ്റി​ക് സ്ട്രാ​റ്റ​ജി​യു​ടെ​യും അ​തി​ൽ​നി​ന്ന് ഉ​യ​ർ​ന്നു​വ​രു​ന്ന വ്യോ​മ​യാ​ന ത​ന്ത്ര​ത്തി​ന്റെ​യും പ്ര​ധാ​ന ശ്ര​ദ്ധാ​കേ​ന്ദ്ര​മാ​യ സൗ​ദി മ​നു​ഷ്യ മൂ​ല​ധ​ന​ത്തി​ൽ നി​ക്ഷേ​പി​ക്കേ​ണ്ട​തി​​ന്റെ പ്രാ​ധാ​ന്യം മ​ന്ത്രി ഊ​ന്നി​പ്പ​റ​ഞ്ഞു. മെ​യി​ൻ​റ​ന​ൻ​സ് വി​ല്ലേ​ജി​ന്റെ ഭാ​ഗ​മാ​യ ഈ ​കേ​ന്ദ്രം അ​റ്റ​കു​റ്റ​പ്പ​ണി​ക​ൾ​ക്കു​ള്ള ശേ​ഷി വ​ർ​ധി​പ്പി​ക്കാ​ൻ സ​ഹാ​യി​ക്കും. പു​തി​യ​തും മി​ക​ച്ച​തു​മാ​യ പ​രി​പാ​ല​ന സാ​ങ്കേ​തി​ക വി​ദ്യ​ക​ളും പ​രി​സ്ഥി​തി സം​ര​ക്ഷ​ണ നി​യ​മ​ങ്ങ​ളും പ്ര​യോ​ഗി​ക്കു​ന്ന​താ​യി​രി​ക്കു​മെ​ന്നും മ​ന്ത്രി പ​റ​ഞ്ഞു.