അമീർ ഖാലിദ്​ ബിൻ സൽമാൻ സൗദി ഉപപ്രതിരോധമന്ത്രി

ജിദ്ദ: അമേരിക്കയിലെ സൗദി അംബാസഡർ അമീർ ഖാലിദ്​ ബിൻ സൽമാനെ സൗദി ഉപപ്രതിരോധമന്ത്രിയായും സൗദി സ്​പോർട്​സ്​ ഫെ ഡറേഷൻ മേധാവി റീമ ബിൻത്​ ബൻദറിനെ അമേരിക്കൻ അംബാസഡറായും നിയമിച്ച്​ രാജവിജ്​ഞാപനമിറങ്ങി. സൽമാൻ രാജാവ്​ കെയ്​റോയിലായതിനാൽ കിരീടാവകാശിയും ഉപപ്രധാനമന്ത്രിയുമായ അമീർ മുഹമ്മദ്​ ബിൻ സൽമാനാണ്​ രാജവിജ്ഞാപനമിറക്കിയത്​. തെക്കൻ അതിർത്തിയിൽ സേവനം നൽകുന്ന സൈനികർക്ക് ഒരു മാസത്തെ ശമ്പളം ബോണസായി നൽകാനും വിജ്ഞാപനമുണ്ട്​.

മുൻസൗദി അംബാസഡറായിരുന്ന അമീർ ബൻദർ ബിൻ സുൽത്താ​​​​െൻറ മകളാണ്​ റീമ ബൻദർ. അമേരിക്കയിൽ നിന്ന്​ മ്യൂസിയോളജിയിൽ ബിരുദം നേടിയ റീമ സൗദിയിൽ ആദ്യമായി സ്​പോർട്​സ്​ ഫെഡറേഷൻ മേധാവിയായ വനിത കൂടിയാണ്​. വനിതാ ശാക്​തീകരണത്തിലും സ്​പോർട്​സ്​ മേഖലയിലും സൗദിക്ക്​ പുതിയ മുഖം നൽകിയ വ്യക്​തിത്വമാണ്​. സൗദിയുടെ ആദ്യ വനിതാ അംബാസഡർ എന്ന പദവിയും അവർക്ക്​ ലഭിച്ചിരിക്കയാണ്​.

അമീർ ഖാലിദ്​ ബിൻ സൽമാൻ അമീർ മുഹമ്മദ്​ ബിൻ സൽമാ​​​​െൻറ സഹോദരനാണ്​. നേരത്തെ റോയൽ സൗദി എയർഫോഴ്​സിൽ രണ്ടാം ഉപസേനാധിപതിയായിരുന്നു. അതിനു ശേഷമാണ്​ അമേരിക്കൻ അംബാസഡറായി നിയമിതനായത്​.