ട്രംപി​െൻറ പ്രസംഗം എഴുതുന്നത്​ സ്​റ്റീഫൻ മില്ലർ

റിയാദ്​: ഞായറാഴ്​ച അറബ്​ ഇസ്​ലാമിക്​ അമേരിക്കൻ ഉച്ചകോടിയിൽ ഇസ്​ലാമിനെ കുറിച്ചുള്ള ട്രംപി​​​െൻറ പ്രസംഗം എഴുതുന്നത്​ അദ്ദേഹത്തി​​​െൻറ സീനിയർ അഡ്വൈസർ സ്​റ്റീഫൻ മില്ലർ. ഇസ്​ലാമിനെ കുറിച്ചുള്ള തെരഞ്ഞെടുപ്പുകാലത്തെ ട്രംപി​​​െൻറ പ്രസംഗങ്ങളുടെ പശ്​ചാത്തലത്തിൽ ലോകം ആകാംക്ഷാപൂർവമാണ്​ റിയാദ്​ പ്രഭാഷണത്തിനായി കാത്തിരിക്കുന്നത്​.

​40 ഒാളം ഇസ്​ലാമിക രാഷ്​ട്രനേതാക്കൾക്ക്​ മുന്നിലാണ്​ ​​ട്രംപ്​ പ്രസംഗിക്കുക. എട്ടുദിവസം നീണ്ടുനിൽക്കുന്ന പര്യടന പരിപാടിയിലെ ഏറ്റവും നിർണായകമായ ഘടകമാണ്​ ഇൗ പ്രസംഗം. ഇൗ പര്യടനത്തി​​​െൻറയും മുസ്​ലിം ലോകവുമായുള്ള അമേരിക്കയുടെ ഭാവി ബന്ധത്തി​​​െൻറയും ഗതിനിർണയിക്കുന്ന പ്രസംഗം അതിസൂക്ഷ്​മമായാണ്​ തയാറാക്കിയതെന്ന്​ സി.എൻ.എൻ റിപ്പോർട്ട്​ ചെയ്​തു.

ൈവറ്റ്​ഹൗസിലെ ട്രംപി​​​െൻറ പബ്ലിക്​ റിലേഷൻ, ബൗദ്ധിക സംഘത്തി​​​െൻറ കൂട്ടായ ഇടപെടലിലൂ​ടെയാണ്​ പ്രസംഗത്തി​​​െൻറ കരടും രൂപവും തയാറാക്കിയത്​. എന്തൊക്കെ മേഖലകൾ സ്​പർശിക്കണം, എവിടെയൊക്കെ ഉൗന്നണം എന്നിവയൊക്കെ അവർ തീരുമാനിച്ചു. പക്ഷേ, പ്രസംഗത്തി​​​െൻറ പ്രാഥമിക രചയിതാവ്​ സ്​റ്റീഫൻ മില്ലറാണ്​. പ്രചോദനപരവും നേരിട്ടുള്ളതുമായിരിക്കും ട്രംപി​​​െൻറ പ്രസംഗമെന്ന്​ നാഷനൽ സെ​ക്യൂരിറ്റി അ​ഡ്വൈസർ എച്ച്​.ആർ മക്​മാസ്​റ്റർ സൂചിപ്പിച്ചു. ഇസ്​ലാമി​​​െൻറ സൗമ്യമുഖം ലോകമെങ്ങും പരക്കണമെന്നാണ്​ പ്രസിഡൻറ്​ ആഗ്രഹിക്കുന്നത്​. മാനവരാശിയുടെ പൊതുശത്രുക്കൾക്കെതിരെ മുസ്​ലിം ​െഎക്യനിര കെട്ടിപ്പടുക്കേണ്ടതി​​​െൻറ ആവശ്യകതയും  മുസ്​ലിം സഖ്യരാഷ്​ട്രങ്ങളോട്​ അമേരിക്കയുടെ പ്രതിബദ്ധതയും വ്യക്​തമാക്കുന്നതാകും പ്രസംഗമെന്നും അദ്ദേഹം ചൂണ്ടിക്കാട്ടി. 

ആറുമുസ്​ലിം രാജ്യങ്ങളിലെ പൗരൻമാർക്ക്​ ​യാത്രവിലക്ക്​ ഏർപ്പെടുത്താനു​ള്ള വിവാദ തീരുമാനത്തിന്​ ചുക്കാൻ പിടിച്ചതും സ്​റ്റീഫൻ മില്ലറാണെന്നത്​ ശ്രദ്ധേയമാണ്​. ഇൗ പര്യടനത്തിലെ മറ്റൊരു പ്രധാന ഇനമായ ​ബ്രസൽസിലെ നാറ്റോ​പ്രഭാഷണം ട്രംപിന്​ വേണ്ടി എഴുതുന്നതും മില്ലർ തന്നെ.