53 ദി​വ​സം​കൊ​ണ്ട്​ 5000 കി​ലോ​മീ​റ്റ​ർ : ദുർഘട പാതകൾ പട്ടുമെത്തകളായി; തു​നീ​ഷ്യ​യി​ൽ​ നി​ന്ന് സൈ​ക്കി​ളി​ലേറി സാ​റ ഹെ​ബ മ​ക്ക​യി​ൽ

യാം​ബു: യാ​ത്ര ആ​ത്​​മീ​യ​ത തേ​ടി​യാ​വു​േ​മ്പാ​ൾ വ​ഴി​യി​ലെ തടസ്സങ്ങളും സാ​ഹ​സി​ക​ത​യും പ്രാ​ർ​ഥ​നാ​മ​ന് ത്ര​ങ്ങ​ൾ​പോ​ലെ​യാ​വും. മുന്നിലെ ദുർഘടപാതകൾ പട്ടുമെത്തകളാക്കി മക്കയിലെത്തിയിരിക്കയാണ്​ തുനീഷ്യൻ യുവതി. 5000 കി​ലോ​മീ​റ്റ​ർ ദൃ​ഢ​നി​ശ്ച​യ​ത്തി​​െൻറ സൈ​ക്കി​ൾ വേ​ഗ​ത്തി​ൽ മ​റി​ക​ട​ക്കാ​ൻ സാ​റാ ഹെ​ബ എ​ന്ന തു​നീ​ഷ്യ​ൻ തീ​ർ​ഥാ​ട​ക​​ക്ക്​ വേ​ണ്ടി​വ​ന്ന​ത്​ 53 ദി​വ​സം. വ​ട​ക്ക​ൻ ആ​ഫ്രി​ക്ക​യി​ൽ​നി​ന്ന്​ ചെ​ങ്ക​ട​ലി​നി​പ്പു​റം മ​ക്ക​യി​ലെ​ത്തി​യ അ​വ​ർ പ​ക്ഷേ സൈ​ക്കി​ൾ ച​വി​ട്ടി നേ​ടി​യെ​ടു​ത്ത​ത്​ തീ​ർ​ഥാ​ട​ന പു​ണ്യം മാ​ത്ര​മ​ല്ല ഒ​രു റെ​ക്കോ​ഡും കൂ​ടി​യാ​ണ്. സൈ​ക്കി​ൾ വ​ഴി ദു​ർ​ഘ​ട​മാ​യ പാ​ത ത​ര​ണം ചെ​യ്ത്​ മ​ക്ക​യി​ലെ​ത്തി​യ ആ​ദ്യ​വ​നി​ത എ​ന്ന ബ​ഹു​മ​തി. സൈ​ക്കി​ൾ സ​വാ​രി കു​ട്ടി​ക്കാ​ലം മു​ത​ലേ ഹ​ര​മാ​യി​യി​രു​ന്നു. തു​നീ​ഷ്യ​യി​ൽ​നി​ന്ന് ഈ​ജി​പ്തി​​െൻറ ത​ല​സ്ഥാ​ന ന​ഗ​ര​മാ​യ ​െകെ​റോ​യി​ലേ​ക്കു​മു​മ്പ്​ സൈ​ക്കി​ൾ സ​വാ​രി ന​ട​ത്തി​യ​ത് വ​ലി​യ വാ​ർ​ത്ത​പ്രാ​ധാ​ന്യം നേ​ടി​​ക്കൊ​ടു​ത്തി​രു​ന്നു.

വി​ജ​ന മ​രു​ഭൂ​മി​ക​ളും മ​ല​നി​ര​ക​ളും പി​ന്നി​ട്ട് ഏ​കാ​ന്ത യാ​ത്രി​ക​യാ​യി നി​ർ​ഭ​യ​ത്വ​ത്തോ​ടെ മ​ക്ക​യി​ലെ​ത്താ​ൻ ക​ഴി​ഞ്ഞ​ത്​ റെ​ക്കോ​ഡ് നേ​ട്ട​മാ​യി വി​ല​യി​രു​ത്ത​പ്പെ​ടു​ക​യാ​ണ്. ഓ​രോ ദി​വ​സ​വും ചു​രു​ങ്ങി​യ​ത് എ​ട്ടു മ​ണി​ക്കൂ​ർ വ​രെ സൈ​ക്കി​ൾ ച​വി​ട്ടി. ​ൈക​യി​ൽ ക​രു​തി​യ ഭ​ക്ഷ​ണം തീ​ർ​ന്ന​പ്പോ​ൾ വ​ഴി​യി​ൽ ക​ണ്ട ആ​ളു​ക​ൾ ഭ​ക്ഷ​ണ​വും മ​റ്റു സ​ഹാ​യ​ങ്ങ​ളും ന​ൽ​കി. മ​രു​ഭൂ​മി​യി​ൽ ചി​ല​യി​ട​ങ്ങ​ളി​ൽ ആ​ശ​യ​വി​നി​മ​യ സം​വി​ധാ​നം നി​ല​ച്ച​തും വി​ജ​ന​മാ​യ പാ​ത​ക​ൾ പി​ന്നി​ട്ട​തും ജീ​വി​ത​ത്തി​ലെ വ്യാ​കു​ല​പ്പെ​ടു​ത്തു​ന്ന ഓ​ർ​മ​ക​ളാ​ണെ​ന്ന് അ​വ​ർ കൂ​ട്ടി​ച്ചേ​ർ​ത്തു. ത്യാ​ഗ​പൂ​ർ​ണ​മാ​യ പ​ല ഓ​ർ​മ​ക​ളും യാ​ത്ര​യി​ൽ അ​നു​ഭ​വി​ച്ച​താ​യി പ്രാ​ദേ​ശി​ക പ​ത്ര​ത്തി​ന് ന​ൽ​കി​യ അ​ഭി​മു​ഖ​ത്തി​ൽ അ​വ​ർ പ​റ​ഞ്ഞു. യാ​ത്ര​യി​ൽ പ​ല​നി​ല​യി​ൽ നി​ര​വ​ധി​യാ​ളു​ക​ൾ സ​ഹാ​യി​ച്ചു. എ​ന്നാ​ൽ, 53 ദി​വ​സ​ത്തി​ൽ 15 ദി​വ​സം തി​ക​ച്ചും ത​നി​ച്ചാ​യി​രു​ന്നു.
യാ​ത്ര​യി​ൽ​നി​ന്ന് പി​ൻ​തി​രി​യാ​ൻ പ​ല​രും ഉ​പ​ദേ​ശി​ച്ചെ​ങ്കി​ലും ല​ക്ഷ്യം കാ​ണാ​തെ അ​വ​സാ​നി​ക്കി​ല്ല എ​ന്ന ദൃ​ഢ​നി​ശ്ച​യ​ത്തി​ലാ​യി​രു​ന്നു. പി​ന്തി​രി​യാ​നു​ള്ള ഉ​പ​ദേ​ശം​പോ​ലെ​ത​ന്നെ യാ​ത്ര തു​ട​രാ​ൻ വ​ലി​യ നി​ല​യി​ൽ പ്രോ​ത്സാ​ഹ​ന​വും ല​ഭി​ച്ച​താ​യി സാ​റാ ഹെ​ബ പ​റ​ഞ്ഞു.