Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസന്തോഷ് ട്രോഫി സെമി...

സന്തോഷ് ട്രോഫി സെമി ഫൈനൽ നാളെ റിയാദ്​ കിങ്​ ഫഹദ്​ സ്​റ്റേഡിയത്തിൽ

text_fields
bookmark_border
സന്തോഷ് ട്രോഫി സെമി ഫൈനൽ നാളെ റിയാദ്​ കിങ്​ ഫഹദ്​ സ്​റ്റേഡിയത്തിൽ
cancel
camera_alt

മത്സരം നടക്കുന്ന റിയാദ്​ ബഗ്ലഫിലെ കിങ്​ ഫഹദ് അന്താരാഷ്​ട്ര സ്​റ്റേഡിയം

റിയാദ്: സന്തോഷ് ട്രോഫി സെമി ഫൈനൽ മത്സരത്തിന് ആതിഥേയത്വം വഹിക്കാൻ ഒരുക്കം പൂർത്തിയാക്കി സൗദി അറേബ്യ. തലസ്ഥാന നഗരമായ റിയാദിലെ ബഗ്ലഫിലുള്ള കിങ്​ ഫഹദ് അന്താരാഷ്​ട്ര സ്​റ്റേഡിയത്തിൽ ബുധനാഴ്​ച വൈകീട്ട്​ മത്സരത്തിന് വിസിൽ മുഴങ്ങും. വിദേശ രാജ്യത്ത് നടക്കുന്ന ആദ്യത്തെ സന്തോഷ്‌ ട്രോഫി മത്സരത്തിന് കാഴ്ചക്കാരായി സ്​റ്റേഡിയത്തിലെത്തി ചരിത്രത്തി​െൻറ ഭാഗമാകാൻ ഒരുങ്ങുകയാണ് സൗദിയിലെ ഇന്ത്യൻ ഫുട്ബാൾ പ്രേമികൾ. പഞ്ചാബ് - മേഘാലയ, സർവിസസ് - കർണാടക മത്സരങ്ങളാണ്​ കിങ്​ ഫഹദ് സ്​റ്റേഡിയത്തിൽ പുതുചരിത്രത്തി​െൻറ ആരവമുയർത്തുക.

76-ാമത് സന്തോഷ് ട്രോഫി ടൂർണമെൻറാണ്​ ഇപ്പോൾ സെമി ഫൈനലിൽ എത്തിയിരിക്കുന്നത്​. പഞ്ചാബ്, സർവിസസ്, കര്‍ണാടക, മേഘാലയ ടീമുകൾ റിയാദിലെത്തി. ആദ്യ സെമി ഫൈനൽ മത്സരം ബുധനാഴ്ച സൗദി സമയം ഉച്ചകഴിഞ്ഞ്​ മൂന്നിന്​ (ഇന്ത്യൻ സമയം വൈകീട്ട്​ 5.30) നടക്കും. പഞ്ചാബും മേഘാലയയും തമ്മിലാണ്​ ആദ്യ മത്സരം. വൈകീട്ട്​ 6.30 ന്​ (ഇന്ത്യന്‍ സമയം രാത്രി ഒമ്പത്​) സർവിസസും കര്‍ണാടകയും തമ്മിൽ രണ്ടാം സെമിയിൽ മാറ്റുരക്കും.

സന്തോഷ് ട്രോഫി സെമി ഫൈനൽ മത്സരത്തിനായി പഞ്ചാബ്, സർവിസസ്, കര്‍ണാടക, മേഘാലയ ടീമുകൾ റിയാദിലെത്തിയപ്പോൾ

ലൂസേഴ്‌സ് ഫൈനല്‍ ശനിയാഴ്ച (മാർച്ച്​ നാല്​) ഉച്ചകഴിഞ്ഞ്​ 3.30 ന് (ഇന്ത്യന്‍ സമയം ആറിന്​) നടക്കും. അന്ന് തന്നെ വൈകീട്ട്​ 6.30 ന് (ഇന്ത്യന്‍ സമയം രാത്രി ഒമ്പത്​) ഫൈനൽ മത്സരത്തിനും റിയാദ് സാക്ഷിയാകും. മത്സരം കാണാനുള്ള ഏറ്റവും കുറഞ്ഞ ടിക്കറ്റിന് വാറ്റ് ഉൾപ്പടെ അഞ്ച്​ സൗദി റിയാലാണ്. കാറ്റഗറി ഒന്നിന് 10 റിയാലും സിൽവർ കാറ്റഗറിക്ക് 150 റിയാലും ഗോൾഡ് കാറ്റഗറിക്ക് 300 റിയലുമാണ് മറ്റ് നിരക്കുകൾ. ticketmax.com അല്ലെങ്കിൽ ആപ്പ് വഴി ടിക്കറ്റ് സ്വന്തമാക്കാം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:santosh trophy
News Summary - Santosh Trophy Semi Final Match Tomorrow
Next Story