Begin typing your search above and press return to search.
proflie-avatar
Login
exit_to_app
exit_to_app
ക​ലാ​ശ​പ്പോരിന് ജനാരവം
cancel
camera_alt

ക​ർ​ണാ​ട​ക​ ടീം ട്രോഫിയുമായി

റി​യാ​ദ്‌: സൗ​ദി അ​റേ​ബ്യ​യി​ൽ വി​രു​ന്നെ​ത്തി​യ സ​ന്തോ​ഷ്​ ട്രോ​ഫി ഫൈ​ന​ൽ മ​ത്സ​ര​ത്തി​ന് ഉ​ജ്ജ്വ​ല പ​രി​സ​മാ​പ്തി. ശ​നി​യാ​ഴ്​​ച റി​യാ​ദ്‌ കി​ങ്​ ഫ​ഹ​ദ്‌ ഇ​ൻ​റ​ർ​നാ​ഷ​ന​ൽ സ്​​റ്റേ​ഡി​യ​ത്തി​ൽ ന​ട​ന്ന 76ാമ​ത്​ സ​ന്തോ​ഷ്​ ട്രോ​ഫി ക​ലാ​ശ​പ്പോ​രി​ൽ ര​ണ്ടി​നെ​തി​രെ മൂ​ന്നു​ ഗോ​ളു​ക​ൾ​ക്ക്​ ന​വാ​ഗ​ത​രാ​യ മേ​ഘാ​ല​യ​യെ ത​ക​ർ​ത്ത്​ ക​ർ​ണാ​ട​ക വി​ജ​യം വ​രി​ച്ച​പ്പോ​ൾ സെ​മി​യി​ലേ​തു​പോ​ലെ​ ഗാ​ല​റി ഒ​ഴി​ഞ്ഞു​കി​ട​ന്നി​ല്ല. മ​ല​യാ​ളി​ക​ള​ട​ക്കം ധാ​രാ​ളം ഫു​ട്​​ബാ​ൾ പ്രേ​മി​ക​ൾ ക​ളി കാ​ണാ​നെ​ത്തി.

ബു​ധ​നാ​ഴ്​​ച സെ​മി ഫൈ​ന​ലു​ക​ൾ ന​ട​ക്കു​​മ്പോ​ൾ ഗാ​ല​റി​ക​ൾ ഒ​ഴി​ഞ്ഞ​നി​ല​യി​ലാ​യി​രു​ന്നു. അ​ത്ത​ര​മൊ​രു ശോ​ച​നീ​യാ​വ​സ്ഥ എ​ന്താ​യാ​ലും ഫൈ​ന​ൽ ദി​വ​സ​മു​ണ്ടാ​യി​ല്ല. ന​ഗ​ര​ത്തി​​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ കാ​ണി​ക​ൾ ഒ​ഴു​കി. സം​ഘാ​ട​ക​രും ഇ​ന്ത്യ​ൻ എം​ബ​സി​യും ഉ​ണ​ർ​ന്നു​പ്ര​വ​ർ​ത്തി​ക്കു​ക​യും മാ​ധ്യ​മ​ങ്ങ​ള​ട​ക്കം ന​ല്ല വാ​ർ​ത്താ​പ്ര​ചാ​ര​ണം ന​ൽ​കു​ക​യും ചെ​യ്​​ത​ത്​ ഫ​ലം ക​ണ്ടു. കാ​ണി​ക​ൾ​ക്കെ​ത്താ​ൻ ബ​സ്​ സൗ​ക​ര്യ​മു​ൾ​പ്പെ​ടെ ഏ​ർ​പ്പെ​ടു​ത്തു​ക​കൂ​ടി ചെ​യ്​​ത​തോ​ടെ സാ​ധാ​ര​ണ​ക്കാ​ർ​ക്കും എ​ത്താ​നാ​യി. 82 വ​ർ​ഷം പ​ഴ​ക്ക​മു​ള്ള ഇ​ന്ത്യ​യു​ടെ അ​ന്ത​ർ സം​സ്ഥാ​ന ചാ​മ്പ്യ​ൻ​ഷി​പ്പി​​ന്‍റെ ആ​ദ്യ അ​ന്താ​രാ​ഷ്​​ട്ര വേ​ദി സൗ​ദി അ​റേ​ബ്യ​ൻ ത​ല​സ്ഥാ​ന​മാ​യ​പ്പോ​ൾ അ​തൊ​രു​ വേ​റി​ട്ട അ​നു​ഭ​വ​വു​മാ​യി. ഇ​താ​ദ്യ​മാ​യാ​ണ്​ ഒ​രു ഇ​ന്ത്യ​ൻ ചാ​മ്പ്യ​ൻ​ഷി​പ്പ്​ സൗ​ദി​യി​ൽ ന​ട​ക്കു​ന്ന​ത്. ഫൈ​ന​ൽ മ​ത്സ​ര​ത്തി​​ന്‍റെ ര​ണ്ടാം മി​നി​റ്റി​ൽ ത​ന്നെ മേ​ഘാ​ല​യ​യു​ടെ വ​ല​കു​ലു​ക്കി ക​ർ​ണാ​ട​ക​യു​ടെ സു​നി​ൽ കു​മാ​ർ ഗോ​ൾ​വേ​ട്ട​ക്ക് തു​ട​ക്കം കു​റി​ച്ചു.

ഉ​ണ​ർ​ന്നു​ക​ളി​ച്ച മേ​ഘാ​ല​യ​യു​ടെ മു​ന്നേ​റ്റ​ത്തെ ത​ട​ഞ്ഞ​പ്പോ​ൾ ക​ർ​ണാ​ട​ക​ക്ക് ശ​ക്ത​മാ​യ വി​ല കൊ​ടു​ക്കേ​ണ്ടി​വ​ന്നു. ഏ​ഴാം മി​നി​റ്റി​ൽ ത​ന്നെ പെ​നാ​ൽ​റ്റി സ്‌​കോ​ർ ചെ​യ്ത് മേ​ഘാ​ല​യ സ​മ​നി​ല നേ​ടി. പ​ത്തൊ​ൻ​പ​താം മി​നി​റ്റി​ൽ ക​ർ​ണാ​ട​ക​യു​ടെ ശ​ക്ത​മാ​യ മു​ന്നേ​റ്റം ഫ​ലം ക​ണ്ടു. ബീ​കെ ഒ​റാ​മി​​ന്‍റെ ഒ​രു ത​ക​ർ​പ്പ​ൻ ഷോ​ട്ടി​ലൂ​ടെ ക​ർ​ണാ​ട​ക വീ​ണ്ടും മു​ന്നി​ലെ​ത്തി. മു​പ്പ​താം മി​നി​റ്റി​ൽ മേ​ഘാ​ല​യ​യു​ടെ ന​ല്ലൊ​രു നീ​ക്കം ക​ർ​ണാ​ട​ക​യു​ടെ പ്ര​തി​രോ​ധ​ത്തി​ൽ ത​ട്ടി വി​ഫ​ല​മാ​യി.

ആ​ദ്യ പ​കു​തി അ​വ​സാ​നി​ക്കു​ന്ന​തി​ന് മു​മ്പ് ക​ർ​ണാ​ട​ക​ക്ക് ല​ഭി​ച്ച ഒ​രു ഫ്രീ ​കി​ക്ക് റോ​ബി​ൻ യാ​ദ​വ് ല​ക്ഷ്യ​ത്തി​ലെ​ത്തി​ച്ചു, 3-1ന് ​പി​രി​ഞ്ഞു. മ​ത്സ​രം കാ​ണാ​ൻ സെ​മി ഫൈ​ന​ലി​നെ അ​പേ​ക്ഷി​ച്ച് കൂ​ടു​ത​ൽ ഫു​ട്‌​ബാ​ൾ പ്രേ​മി​ക​ൾ എ​ത്തി​യി​രു​ന്നു. ആ​വേ​ശം പ​ക​രാ​ൻ റി​യാ​ദ്‌ ടാ​ക്കീ​സ് ചെ​ണ്ട​മേ​ള​ക്കാ​ർ ഗാ​ല​റി​യി​ൽ താ​ള​മേ​ളം മു​ഴ​ക്കി. ര​ണ്ടാം പ​കു​തി​യി​ൽ മേ​ഘാ​ല​യ കൂ​ടു​ത​ൽ മെ​ച്ച​പ്പെ​ട്ട ക​ളി പു​റ​ത്തെ​ടു​ത്ത​പ്പോ​ൾ 60ാം മി​നി​റ്റി​ൽ ല​ഭി​ച്ച അ​നു​കൂ​ല കോ​ർ​ണ​റി​നെ തു​ട​ർ​ന്ന് ര​ണ്ടാം ഗോ​ൾ നേ​ടി (3-2). 80, 81 മി​നി​റ്റു​ക​ളി​ൽ ര​ണ്ട് കോ​ർ​ണ​റു​ക​ൾ ല​ഭി​ച്ചെ​ങ്കി​ലും മേ​ഘാ​ല​യ​ക്ക് ല​ക്ഷ്യം കാ​ണാ​നാ​യി​ല്ല.

ഒ​രു സ​മ​നി​ല​ക്കു​വേ​ണ്ടി​യു​ള്ള മേ​ഘാ​ല​യ​യു​ടെ ശ്ര​മ​ങ്ങ​ൾ അ​വ​സാ​ന​ഘ​ട്ടം​വ​രെ പു​ല​ർ​ന്നി​ല്ല. അ​ന്തി​മ വി​സി​ൽ മു​ഴ​ങ്ങു​മ്പോ​ൾ ക​ർ​ണാ​ട​ക​ത്തി​​ന്‍റെ കൂ​ടെ​യാ​യി​രു​ന്നു മ​രു​ഭൂ​മി​യി​ലെ സ​ന്തോ​ഷ്​ ട്രോ​ഫി കി​രീ​ടം. അ​റ​ബ്‌ മ​ണ്ണി​ൽ ഇ​ന്ത്യ​ൻ ഫു​ട്ബാ​ളി​​ന്‍റെ ആ​ദ്യ​പ​രീ​ക്ഷ​ണ​ത്തി​ന് മ​നോ​ഹ​ര​മാ​യ പ​രി​സ​മാ​പ്തി.

ഇ​ന്ത്യ​ൻ അം​ബാ​സ​ഡ​ർ ഡോ. ​സു​ഹേ​ൽ അ​ജാ​സ് ഖാ​ൻ, സൗ​ദി ഫു​ട്‌​ബാ​ൾ ഫെ​ഡ​റേ​ഷ​ൻ പ്ര​സി​ഡ​ൻ​റ്​ യാ​സ​ർ അ​ൽ മി​ഷേ​ൽ, വൈ​സ് പ്ര​സി​ഡ​ൻ​റ്​ ഇ​ബ്രാ​ഹിം അ​ൽ​താ​ബ, ഇ​ന്ത്യ​ൻ ഫു​ട്ബാ​ൾ ഫെ​ഡ​റേ​ഷ​ൻ പ്ര​സി​ഡ​ൻ​റ്​ ക​ല്യാ​ൺ ചു​ബ്ബെ, വൈ​സ് പ്ര​സി​ഡ​ൻ​റ്​ എ​ൻ.​എ. ഹാ​രി​സ്, സെ​ക്ര​ട്ട​റി ഡോ. ​ഷാ​ജി പ്ര​ഭാ​ക​ർ എ​ന്നി​വ​ർ ഫൈ​ന​ൽ മ​ത്സ​ര​ങ്ങ​ൾ വീ​ക്ഷി​ക്കാ​നെ​ത്തി​യി​രു​ന്നു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Final MatchSantosh TrophySaudi Arabia
News Summary - Santosh Trophy Final Match held in Saudi Arabia
Next Story