സന്തോഷ് കുമാറിന്റെ മൃതദേഹം നാട്ടിലെത്തിച്ചു
text_fieldsസന്തോഷ് കുമാർ
റിയാദ്: ഹൃദയാഘാതത്തെ തുടർന്ന് കഴിഞ്ഞയാഴ്ച റിയാദിലെ ആശുപത്രിയിൽ മരിച്ച കൊല്ലം മേലില സ്വദേശി സന്തോഷ് കുമാറിന്റെ (55) മൃതദേഹം നാട്ടിലെത്തിച്ച് സംസ്കരിച്ചു. ശാരീരിക അസ്വസ്ഥതകൾമൂലം ശുമൈസി ആശുപത്രിയിൽ ചികിത്സയിലിരിക്കെയായിരുന്നു മരണം.
റിയാദിൽ അൽ ശബാബ് കൺസ്ട്രക്ഷൻ കമ്പനിയിലെ ജീവനക്കാരനാണ്. പിതാവ്: പവനൻ (പരേതൻ). മാതാവ്: സരള. ഭാര്യ: മഞ്ജു. മക്കൾ: അനുഷ, അജീഷ. കഴിഞ്ഞദിവസം റിയാദിൽനിന്ന് എയർ ഇന്ത്യ എക്സ്പ്രസ് വിമാനത്തിൽ തിരുവനന്തപുരത്തേക്കാണ് കൊണ്ടുപോയത്. ബന്ധുക്കൾ മൃതദേഹം ഏറ്റുവാങ്ങി സ്വദേശത്ത് കൊണ്ടുപോയി സംസ്കരിച്ചു. റിയാദ് കെ.എം.സി.സി ആലപ്പുഴ ജില്ല സെക്രട്ടറി സിയാദ് കായംകുളത്തിന്റെ നേതൃത്വത്തിലാണ് നടപടിക്രമങ്ങൾ പൂർത്തീകരിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

