വടക്കൻ മേഖലയിൽ വൻ പൊടിക്കാറ്റ്​; താപനില താഴ്​ന്നു

അറാർ: വടക്കൻ മേഖലയിൽ ശക്​തമായ പൊടിക്കാറ്റ്​. ഇന്നലെയാണ്​ മേഖലയിൽ ശക്​തമായ പൊടിക്കാറ്റുണ്ടായത്​. മേഖലയിൽ കാലാവസ്​ഥ വ്യതിയാനം ഉണ്ടാകുമെന്ന്​ കാലാവസ്​ഥ വകുപ്പ്​ നേരത്തെ മുന്നറിയിപ്പ്​ നൽകിയിരുന്നു. പല സ്​ഥലങ്ങളിലും ദൂരക്കാഴ്​ച നന്നേ കുറഞ്ഞു. 
അറാറിലെ മുസാഇദിയ, ഫൈസലിയ ഡിസ്​ട്രിക്​റ്റുകളിൽ സ്​ട്രീറ്റ്​ ലൈറ്റ്​ പോസ്​റ്റുകൾ വീണതായും റിപ്പോർട്ടുണ്ട്​. 
പൊടിക്കാറ്റിനെ തുടർന്ന്​ ശ്വാസകോശ  അസുഖത്തിന്​ ചികിത്സ തേടി​ 65 പേർ ആശുപത്രിയിലെത്തിയതായി വടക്കൻ അതിർത്തി മേഖല ആരോഗ്യ ഒാഫീസ്​ വ്യക്​തമാക്കി. ആശുപത്രികൾക്ക്​ മേഖല ഗവർണർ ജാഗ്രതാ നിർദേശം നൽകിയിരുന്നു. മേഖലയിലെ ആംബുലൻസ്​ കേന്ദ്രങ്ങൾക്ക്​ റെഡ്​ക്രസൻറും​ ജാഗ്രതാ നിർദേശം നൽകിയിട്ടുണ്ട്​.