സൽമാൻ രാജാവി​െൻറ വ്യക്​തിത്വം മാതൃക -അമീർ ഖാലിദ്​

ജിദ്ദ: സൗദി ഭരണാധികാരി സൽമാൻ രാജാവി​​െൻറ വ്യക്​തിത്വം രാജ്യത്തിനും അറബ്​, മുസ്​ലിം രാജ്യങ്ങൾക്കും മാതൃകയാണെന്ന്​ മക്ക ഗവർണർ അമീർ ഖാലിദ്​ അൽഫൈസൽ. ‘നാമെങ്ങനെ മാതൃകയാകും’ എന്ന മക്ക സാംസ്​കാരിക സംഗമം പരിപാടി​യോട്​ അനുബന്ധിച്ച്​ സമ്മാനങ്ങൾ നേടിയവരെ ഗവർണറേറ്റിൽ ആദരിക്കുകയായിരുന്നു അദ്ദേഹം​. ലോകം ഉറ്റുനോക്കുന്ന രാജ്യമായി സൗദി അറേബ്യ ഇന്ന്​ മാറിയിരിക്കുന്നു. ലോക മുസ്​ലിംകളുടെ ഖിബ്​ലായ മക്ക മേഖലയിൽ ഭരണകൂടം നടപ്പാക്കുന്ന വികസനങ്ങൾ എല്ലാവരും കാണുന്നുണ്ട്​്​.  അഭിമാനത്തിന്​ വക നൽകുന്നതാണിവ. ലോക മുസ്​ലികൾക്ക്​ നാം മാതൃകയാകേണ്ടതുണ്ട്​. കാരണം വിശുദ്ധ ഭവനത്തിനരികെ വസിക്കാൻ ദൈവം നമ്മെ അനുഗ്രഹിച്ചിരിക്കുന്നു. ഒരോ വർഷവും തീർഥാകർക്ക്​ സേവനങ്ങൾ ചെയ്യാൻ അവസരം ലഭിക്കുന്നു. ഇ​​െതല്ലാം സന്തോഷവും അഭിമാനം നൽകുന്നതാണെന്നും മക്ക ഗവർണർ പറഞ്ഞു.