സൈബർ സുരക്ഷ കർക്കശമാക്കുന്നു​​​​; 800 പേർക്ക്​ പ്രത്യേക പരിശീലനം

റിയാദ്​: സൈബർ സുരക്ഷയിൽ കർക്കശ നടപടിയുമായി സൗദി അ​േറബ്യ. പഴുതടച്ച സൈബർ നിരീക്ഷണത്തിനും സുരക്ഷ ഉറപ്പാക്കുന്നതിനും വൈദഗ്​ധ്യം നേടിയ സൈബർ സെക്യൂരിറ്റി പ്രഫഷനലുകളെ വാർത്തെടുക്കാൻ നാഷനൽ സൈബർ സെക്യൂരിറ്റി അതോറിറ്റി നടപടി തുടങ്ങി. ഇൗ വർഷം സ്​ത്രീകളും പുരുഷന്മാരുമായി 800 പേരെ പ്രത്യേക പരിശീലനം നൽകി സജ്ജരാക്കാനുള്ള പ്രവർത്തനങ്ങൾക്കാണ്​ തുടക്കം കുറിച്ചിരിക്കുന്നത്​. നിലവിൽ സൈബർ സുരക്ഷാവിഭാഗത്തിൽ ജോലി ചെയ്യുന്ന സർക്കാർ ഉദ്യോഗസ്​ഥരുടെ വൈദഗ്​ധ്യവും കാര്യക്ഷമതയും വർധിപ്പിക്കാനും ബിരുദം നേടിയ യൂനിവേഴ്​സിറ്റി വിദ്യാർഥികളെ പുതുതായി ഇൗ രംഗത്ത്​ കൊണ്ടുവരാനുമാണ്​ ലക്ഷ്യം. സൈബർ സുരക്ഷയുടെ അച്ചടക്ക മാനദണ്ഡങ്ങൾ അഭ്യസിപ്പിക്കും.

​ഇൗ രംഗത്തെ അന്താരാഷ്​ട്ര കമ്പനികളുടെ സഹകരണത്തോടെ നടപ്പാക്കുന്ന പരിശീലന പദ്ധതിയിൽ തിയറിയും പ്രാക്​ടിക്കലുമായി രണ്ട്​ സെഷനുകളാണുള്ളത്​. ഫൗണ്ടേഷൻ ​മുതൽ മൂന്ന്​ ലെവലുകൾ ഉൾപ്പെടുന്ന തീവ്രയത്​ന പരിശീലന പദ്ധതി നാല്​ ആഴ്​ചകൾ നീളുന്നതാണ്​. കമ്പ്യൂട്ടർ ഒാപറേറ്റിങ്​ സിസ്​റ്റം, കമ്പ്യൂട്ടർ നെറ്റ്​വർക്ക്​, സൈബർ സെക്യൂരിറ്റി എന്നീ മേഖലകളിലുള്ള സമഗ്ര പാഠ്യപദ്ധതിയാണ്​ പരിശീലനത്തി​​​െൻറ അടിസ്ഥാനം. നാലാഴ്​ചത്തെ ഇൗ ഇൻറർമീഡിയറ്റ്​ കോഴ്​സ്​ പൂർത്തിയാക്കുന്നവർക്ക്​ രണ്ടാഴ്​ച കൂടി നീളുന്ന കൂടുതൽ ഉയർന്ന പരിശീലനം നൽകും. സൈബർ നുഴഞ്ഞുകയറ്റം പരിശോധിച്ച്​ അറിയാനും അത്തരം സംഭവങ്ങളുണ്ടാവു​േമ്പാൾ ഉടനടി പ്രതികരിക്കാനും സുരക്ഷ വീണ്ടെടുക്കാനും ഉറപ്പാക്കാനുമുള്ള മാർഗങ്ങളാണ്​ ഇൗ ലെവലിൽ പരിശീലിപ്പിക്കുന്നത്​. 800 പേർക്ക്​ പരിശീലനം നൽകാനുള്ള ഇൗ പദ്ധതിയിലേക്ക്​ ട്രൈനികളെ തെരഞ്ഞെടുക്കുന്നത്​ ബന്ധപ്പെട്ട സർക്കാർ ഏജൻസികളും യൂനിവേഴ്​സിറ്റികളും ഏകോപിച്ചാണ്​​. അഭിരുചി, വൈദഗ്​ധ്യ പരിശോധനകൾക്ക്​ ശേഷമാണ്​ തെരഞ്ഞെടുപ്പ്​. പരിശീലനം റിയാദ്​, ജിദ്ദ, ദമ്മാം നഗരങ്ങളിലായി നടക്കും.