റുക്‌സാന മൂസക്ക് യാത്രയയപ്പ് നൽകി

ജിദ്ദ: 38 വർഷം മത, സാമൂഹിക, സാംസ്കാരികരംഗത്ത് പ്രവർത്തിച്ചതിന് ശേഷം പ്രവാസം അവസാനിപ്പിച്ച് മടങ്ങുന്ന റുക്‌സാന മൂസക്ക് ജിദ്ദയിലെ മാനവീയം കൂട്ടായ്മ യാത്രയയപ്പ് നൽകി. ഇമാം ബുഖാരി ഇൻസ്റ്റിറ്റ്യൂട്ടിൽ നടന്ന ചടങ്ങിൽ മാനവീയം ചെയർമാൻ എസ്‌. രാജീവ് അധ്യക്ഷത വഹിച്ചു.

മാനവീയം രക്ഷാധികാരിയായിരുന്ന റുക്‌സാന മൂസയുടെ സേവനങ്ങൾ പരിപാടിയിൽ പങ്കെടുത്തവർ അനുസ്മരിച്ചു. രാഗേഷ്, കെ.എം അനീസ്, പ്രജിത്ത്, സാദിഖലി തുവ്വൂർ, എൻ.കെ അഷ്‌റഫ്, നിസാർ ബേപ്പൂർ, ഷിജി രാജീവ്, ബിനി രാഗേഷ്, ബിജി പ്രജിത്ത്, സലീഖത്ത്, തസ്ലീമ അഷ്‌റഫ്, റഹ്മത്തുന്നിസ എന്നിവർ സംസാരിച്ചു. അബ്ദുൽ റസാഖ് സ്വാഗതം പറഞ്ഞു.