ആവേശമായി റോയൽ റംബ്​ൾ 

ജിദ്ദ:  ഏറെ നാളെത്തെ കാത്തിരിപ്പിനൊടുവിൽ ജിദ്ദയിൽ ഡബ്ല്യു.ഡബ്ല്യ.ഇയുടെ ​േഗ്രറ്റസ്​റ്റ്​ റോയൽ റംബ്​ൾ അരങ്ങേറി. ഇന്നലെ കിങ്​ അബ്​ദുല്ല സ്​പോർട്സ്​ ​സിറ്റിയിൽ നടന്ന മത്സരം കാണാൻ നൂറുകണക്കിന്​ പേരാണ്​ എത്തിയത്​. സ്​​പോർട്​സ്​ ജനറൽ അതോറിറ്റി ബോർഡ്​ ചെയർമാൻ തുർക്കി അൽ ശൈഖും വേൾഡ്​ റെസ്​ലിങ്​ എൻറടൈൻമ​​െൻറ്​ ചീഫ്​ എക്​സിക്യൂട്ടീവ്​ ഒാഫീസർ വിൻക്​ മിക്​മാനും തമ്മിലുണ്ടായ ധാരണയുടെ അടിസ്​ഥാനത്തിലാണ്​ പരിപാടി സംഘടിപ്പിച്ചത്​.മത്സരത്തിനുള്ള ഒരുക്കങ്ങൾ ദിവസങ്ങൾക്ക്​ മുമ്പ്​  സൗദി സ്​പോർട്​സ്​ അതോറിറ്റിക്ക്​ കീഴിൽ ആരംഭിച്ചിരുന്നു​.  109 ടൺ ഉപകരണങ്ങളും സാധന സാമഗ്രികളുമാണ്​ ഇതിനായി​ സൗദി എയർലൈൻസ്​ കാർഗോ വിമാനം വഴി എത്തിച്ചത്​. റെസ്​ലിങ്ങി​നുള്ള വേദി,​ പ്രത്യേക ലൈറ്റ്​, സൗണ്ട്​ സംവിധാന ഉപകരണങ്ങളും മറ്റു സജ്ജീകരണങ്ങളും ഇതിൽ ഉൾപ്പെടും. ന്യൂയോർക്കിലെ ജോൺ എഫ്​. കെന്നഡി അന്താരാഷ്​ട്ര വിമാനത്താവളത്തിൽ നിന്ന്​ ഏപ്രിൽ ഒമ്പതിനാണ്​ ജിദ്ദ വിമാനത്താവളത്തിൽ ഇവയെത്തിച്ചത്​. എല്ലാ ഉപകരണങ്ങളും സാധന സാമഗ്രികളും നിശ്ചിത സമയത്ത്​ എത്തിച്ചിട്ടുണ്ടെന്ന്​ സൗദി എയർലൈൻസ്​ കാർഗോ എക്​സിക്യൂട്ടീവ്​ മേധാവി ഉമർ ബിൻ ത്വലാൽ ഹരീരി പറഞ്ഞു.