റോഹിങ്ക്യ: നിർണായക നടപടികളെടുക്കണമെന്ന്​ ഒ.​െഎ.സി

ജിദ്ദ: മ്യാൻമറിലെ റോഹിങ്ക്യൻ ജനത അഭിമുഖീകരിക്കുന്ന പ്രതിസന്ധിക്ക്​ പരിഹാരം കാണാൻ നിർണായക നടപടികളെടുക്കണമെന്ന്​ ഇസ്​ലാമിക്​ രാജ്യങ്ങളുടെ സഹകരണ കൗൺസിൽ (ഒ. ​െഎ.സി) ജനറൽ സെക്രട്ടറി ആവശ്യപ്പെട്ടു. യൂറോപ്യൻ യൂനിയൻ വിദേശ^സുരക്ഷ പോളിസി ഹൈകമീഷണർ ​ഫെഡ്​റികാ മുജേറിനി, യൂനൈറ്റഡ്​ നാഷ​ൻ മനുഷ്യാവകാശ കമീഷൻ ഹൈകമീഷണർ അമീർ സൈദ്​ റഅ്​ദ്​ അൽ ഹുസൈൻ, അഭയാർഥികളു​ടെ കാര്യങ്ങൾക്കായി യു.എൻ ചുമതലപ്പെടുത്തിയ കമീഷണർ ഫിലിപ്പോ ഗ്രാൻറി എന്നിവർക്ക്​ അയച്ച കത്തുകളിലാണ്​ ഒ.​െഎ.സി ആവശ്യമുന്നയിച്ചത്​​. യൂറോപ്യൻ യൂനിയനും, യുനൈറ്റഡ്​ നാഷൻസ്​ ഏജൻസികളും മ്യാൻമറിലെ റോഹിങ്ക്യൻ ജനത അഭിമുഖീകരിക്കുന്ന പ്രശ്​നങ്ങൾ ലഘൂകരിക്കാൻ എത്രയും വേഗം ശ്രമിക്കണമെന്ന്​ കത്തിൽ ആവശ്യപ്പെട്ടു.

റോഹിങ്ക്യക്കാരുടെ പ്രശ്​നങ്ങൾ അന്താരാഷ്​ട്ര സമൂഹമധ്യത്തിൽ ഒ.​െഎ.സി തുറന്നുകാട്ടിയിട്ടുണ്ട്​. വിഷയത്തിൽ റാഖീൻ സ്​റ്റേറ്റ്​ കമ്മിറ്റി ശിപാർശകർ നടപ്പിലാക്കാൻ ആവശ്യപ്പെടുകയും ചെയ്​തിരുന്നു. പെ​െട്ടന്ന്​ ലക്ഷ്യങ്ങൾ നേടാൻ കഴിയാത്തതായിരുന്നു അവ. അതിനാൽ എത്രയും പെ​െട്ടന്ന് അവിടുത്തെ​ ജനങ്ങളുടെ ജീവൻ രക്ഷിക്കാൻ ഇടപെടണം. മാനുഷികമായ സഹായങ്ങൾ നൽകാൻ ഒ.​െഎ.സി ഒരുക്കമാണ്​. 

റോഹിങ്ക്യൻ ജനതയോട്​ കാണിക്കുന്ന മനുഷ്യത്വരഹിതമായ പ്രവർത്തനങ്ങളും പീഡനങ്ങളും മ്യാൻമർ ഗവൺമ​െൻറ്​ അവസാനിപ്പിക്കണം. പ്രശ്​നത്തിന്​ സ്​ഥായിയായ പരിഹാരമുണ്ടാകണം. വീടുകൾ തകർക്കുകയും നിരപരാധികളെ കൊല്ലുകയും ചെയ്യുന്നത്​ തുടർന്നപ്പോൾ 2014 മുതൽ തന്നെ ഒ.​െഎ.സി മുന്നറിയിപ്പ്​ നൽകിയിട്ടുണ്ട്​. റോഹിങ്ക്യൻ ജനതക്ക്​ നേരെയുള്ള പീഡനങ്ങൾ അവസാനിപ്പിക്കാൻ അന്താരാഷ്​ട്ര സമൂഹം രംഗത്തിറങ്ങണമെന്നും ഒ.​െഎ.സി സെക്രട്ടറി ആവശ്യപ്പെട്ടു.