Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightകാലിൽ തട്ടിവീഴ്​ത്തി ...

കാലിൽ തട്ടിവീഴ്​ത്തി മലയാളിയുടെ 11,000 റിയാൽ കവർന്നു

text_fields
bookmark_border
കാലിൽ തട്ടിവീഴ്​ത്തി  മലയാളിയുടെ 11,000 റിയാൽ കവർന്നു
cancel

റിയാദ്​: കാലിൽ തട്ടിവീഴ്​ത്തി പണം കവരൽ ബത്​ഹയിൽ വീണ്ടും. മലയാളി സാമൂഹിക പ്രവർത്തക​​െൻറ 11,000 റിയാൽ നഷ്​ടപ്പെട്ടു. തെരുവിലൂടെ നടന്നുപോകു​േമ്പാൾ എതിരിൽ നിന്ന്​ വന്ന്​ കാലിൽ ചവിട്ടി വീഴ്​ത്തി പോക്കറ്റടിക്കുന്ന കവർച്ചക്കാരുടെ തന്ത്രത്തിന്​ ഇത്തവണ ഇരയായത്​ നവോദയ എന്ന സാംസ്​കാരിക സംഘടനയുടെ പ്രധാന ഭാരവാഹി കണ്ണൂർ സ്വദേശി പൂക്കോയ തങ്ങളാണ്​. വ്യാഴാഴ്​ച രാത്രിയിലാണ്​ സംഭവം.

ബത്​ഹ കേരള മാർക്കറ്റിൽ സഫാമക്ക ​േപാളിക്ലിനിക്കിന്​ പിൻവശത്തുള്ള അൽഫൗരി റെമ്മിറ്റൻസ്​ സ​െൻറർ ടെല്ലറിന്​ മുന്നിൽവെച്ചാണ്​ പൂക്കോയ തങ്ങൾ കൊള്ളയടിക്കപ്പെട്ടത്​. രാത്രി 10 മണി സമയമായതിനാൽ തെരുവിൽ നിറയെ ആളുകളുണ്ടായിരുന്നു. നാട്ടിലേക്ക്​ പണമയക്കാൻ വന്നതായിരുന്നു. നടന്നുവരു​േമ്പാൾ എതിരിൽ നിന്ന്​ ഫോൺ ചെയ്​തുകൊണ്ട്​ നടന്നുവന്ന ആഫ്രിക്കൻ വംശജൻ ഇടതുകാലുകൊണ്ട്​ പൂക്കോയ തങ്ങളുടെ വലതുകാലിൽ ശക്തമായി ചവിട്ടി. ഒാർക്കാപ്പുറത്തായതിനാൽ നിലതെറ്റി നിലത്തുവീണു. പിടഞ്ഞെഴുന്നേറ്റ്​ നോക്കു​േമ്പാൾ പാൻറ്​സി​​െൻറ വലതുപോക്കറ്റിലുണ്ടായിരുന്ന പണം നഷ്​ടപ്പെട്ടിരുന്നു.

വീഴുന്നതിനിടയിൽ വലതുഭാഗത്തൂടെ വന്നയാളാവും പോക്കറ്റടിച്ചിരിക്കുക. സംഘം ചേർന്നുവന്ന്​ ഒരാൾ ഇടതുകാലുകൊണ്ട്​ ചവിട്ടി വീഴുത്തുകയും വലതുഭാഗത്തുള്ളയാൾ പോക്കറ്റിൽ നിന്ന്​ പണമെടുക്കുകയും ചെയ്​തു എന്നാണ്​ കരുതുന്നത്​. കൂടുതലും 100​​െൻറ നോട്ടുകളായതിനാൽ 11,000 റിയാൽ പോക്കറ്റിൽ മുഴച്ചുനിന്നിരുന്നു. പണമാണെന്ന്​ മനസിലാക്കി തന്നെ ചെയ്​തതാകാനാണ്​ സാധ്യത. അതേസമയം ഇടതുകീശയിലുണ്ടായിരുന്ന പഴ്​സും മൊബൈൽ ഫോണും നഷ്​ടപ്പെട്ടതുമില്ല. പൊലീസ്​ സ്​റ്റേഷനിൽ പരാതി നൽകാനൊരുങ്ങുകയാണ്​ പൂക്കോയ തങ്ങൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudigulf newsroberymalayalam news
News Summary - ROBERY-SAUDI-GULF NEWS
Next Story