ബത്​ഹയിൽ മലയാളിയെ കവർച്ചക്കാർ ആക്രമിച്ചു

റിയാദ്​: ബത്​ഹയിൽ മലയാളി കവർച്ചക്കാരുടെ ആക്രമണത്തിന്​ ഇരയായി. വാൾ കൊണ്ടുള്ള വെ​േട്ടറ്റു തലയുടെ നെറുകെയിൽ ആ ഴത്തിലുള്ള മുറിവേറ്റു. എറണാകുളം കാഞ്ഞിരമറ്റം സ്വദേശി മുഹമ്മദലിയാണ്​ ശനിയാഴ്​ച പുലർച്ചെ ശാര റെയിലിൽ രണ്ടംഗ സം ഘത്തി​​​െൻറ ക്രൂ ആക്രമണത്തിന്​ ഇരയായത്​. അമീറ നൂറ ബിൻത്​ അബ്​ദുറഹ്​മാൻ യൂനിവേഴ്​സിറ്റിയിൽ ഡ്രൈവറായ മുഹമ്മദല ി വെള്ളിയാഴ്​ച വൈകുന്നേരത്തെ ഡ്യൂട്ടി കഴിഞ്ഞ്​ പുലർച്ചെ ഒന്നോടെ ശാര റെയിലിലെ താമസസ്​ഥലത്തിന് സമീപം വാഹനം നിറുത്താനൊരുങ്ങു​േമ്പാഴാണ്​ കവർച്ചക്കാരുടെ കൈയ്യിലകപ്പെട്ടത്​. ടൊയോട്ട ഹയാസ്​ വാനി​​​െൻറ വിൻഡോ ഗ്ലാസ്​ ഉയർത്താതിരുന്നത്​​ വിനയായി​. വാഹനം ഒതുക്കിനിറുത്തിനിടയിൽ മോഷ്​ടാക്കളെത്തി രണ്ട്​ വശങ്ങളിലൂടെ വളയുകയായിരുന്നു. ഡ്രൈവർ സൈഡിലെ വിൻഡോയിലൂടെ വലിയ വാൾ നീട്ടി കഴുത്തിൽ ചേർത്തുവെച്ചിട്ട്​ ഇറങ്ങാൻ ആവശ്യപ്പെട്ടു. ഇൗ സമയം മറുഭാഗത്തൂടെ മറ്റേയാൾ അകത്തുകയറി അടിക്കാനും ഇടിക്കാനും തുടങ്ങി. വലിച്ച്​ പുറത്തിട്ട ശേഷം ക്രൂരമായ മർദ്ദനം തുടർന്നു.

പണം ആവശ്യപ്പെട്ടായിരുന്നു അക്രമം. പണമില്ലെന്ന്​ പറ​ഞ്ഞപ്പോൾ വാൾ കൊണ്ട്​ തലയിൽ ആഞ്ഞുവെട്ടി. വെ​േട്ടറ്റ്​ നെറ്റിയുടെ നേരെ മുകളിൽ വലിയ മുറിവുണ്ടായി. ചോരയിൽ കുളിച്ച്​ മുഹമ്മദലി നിലവിളിക്കുന്നതിനിടെ മോഷ്​ടാക്കൾ വാഹനം തട്ടിയെടുത്ത്​ ഒാടിച്ചുപോയി. എൻജിൻ ഒാഫാക്കിയിരുന്നില്ല. ഇഖാമ, എ.ടി.എം കാർഡുകൾ, നാലായിരം റിയാലി​​​െൻറ പെട്രോൾ കാർഡ്​, ഡ്രൈവിങ്​ ലൈസൻസ്​ എന്നിവയടങ്ങിയ പഴ്​സും മൊബൈൽ ഫോണും വണ്ടിക്കകത്തായിരുന്നു. പിന്നീട്​ അടുത്ത ഗല്ലിയിൽ ഉപേക്ഷിച്ച നിലയിൽ വാൻ കണ്ടെത്തിയപ്പോൾ അതിൽ ഇഖാമയും ഡ്രൈവിങ്​ ലൈസൻസും മാത്രമേയുണ്ടായിരുന്നുള്ളൂ. പുലർച്ചെ ഒരു മണിയായതിനാൽ മുഹമ്മദലി നിലവിളിച്ചെങ്കിലും ആരും കേട്ട്​ ഉണർന്നുവന്നില്ല. എന്തുചെയ്യണമെന്നറിയാതെ ചോരയിൽ കുളിച്ച്​ ശാര റെയിലിൽ നിൽക്കു​േമ്പാൾ അതിലൂടെ വന്ന പാകിസ്​താനി ടാക്​സി കാർ നിറുത്തി കയറ്റി താമസസ്​ഥലത്ത്​ എത്തിക്കുകയായിരുന്നു. വിളിച്ച്​ പറഞ്ഞയുടൻ പൊലീസ്​ എത്തി. ആംബലുൻസും വരുത്തി. ശുമൈസി ആശുപത്രിയിൽ പ്രവേശിപ്പിച്ച്​ ചികിത്സയും നൽകി. തലയിലെ മുറിവിൽ ആറ്​ തുന്നലാണിട്ടത്​. രാവിലെ ആറ്​ മണിവരെ അവിടെ കിടത്തുകയും ചെയ്​തു.

പൊലീസ്​ കേസെടുത്ത്​ അന്വേഷണം ആരംഭിച്ചു. യൂനിവേഴ്​സിറ്റിയിൽ വൈകീട്ട്​ നാല്​ മുതൽ അർദ്ധരാത്രി 12 വരെയാണ്​ മുഹമ്മദാലിയുടെ ജോലി സമയം. എൻജിനീയർമാരെ ജോലിക്കെത്തിക്കലാണ്​ ജോലി. അതുകഴിഞ്ഞ്​ മടങ്ങു​േമ്പാൾ എല്ലാ ദിവസവും പുലർച്ചെ ഒരു മണിയാവും. വിൻഡോ ഗ്ലാസ്​ ഉയർത്താതിരുന്നതാണ്​ അബദ്ധമായതെന്ന്​ മുഹമ്മദലി പറയുന്നു. 68 കാരനായ ഇദ്ദേഹം സൗദിയിൽ 44 വർഷമായി. വാൾത്തലയിൽ കഴുത്തുവെച്ചിരിക്കേണ്ടിവന്ന ആ നിമിഷങ്ങളോർത്ത്​ ഇപ്പോഴും നടുങ്ങുകയാണെന്നും ഉറങ്ങാനാവുമോ എന്ന്​ സംശയമാണെന്നും അദ്ദേഹം പറയുന്നു. അത്രയേറെ ഭയന്നുപോയി.