കത്തികാട്ടി കവർച്ച: ​പ്രതികൾ പിടിയിൽ

ദമ്മാം: ദമ്മാം നഗരത്തിൽ കത്തിവീശി ബഖാല ജീവനക്കാരനെ പരിക്കേൽപിച്ച് പണം കവർന്ന കേസിൽ പ്രതികൾ പിടിയിലായി. കടയിൽ സ്​ഥാപിച്ചിരുന്ന സി.സി.ടി.വിയിൽ പതിഞ്ഞ ദൃശ്യങ്ങളുടെ സഹായത്തോടെയാണ്​ അന്വേഷണ സംഘം ദിവസങ്ങൾക്കകം പ്രതികളെ പിടികൂടിയത്​. ​തെളിവെടുപ്പിനായി ആക്രമണത്തിനിരയായ മലയാളി ബഖാല ജീവനക്കാരനെ സുരക്ഷാ ഉദ്യോഗസ്​ഥർ ബന്ധപ്പെട്ടിരുന്നു. ​​കഴിഞ്ഞ വെള്ളിയാഴ്​ചയാണ്​ കണ്ണൂർ, മയ്യിൽ സ്വദേശി മൂസക്കുട്ടി​ കവർച്ച സംഘത്തി​​​െൻറ ​ആക്രമണത്തിനിരയായത്​.

ദമ്മാം നഗരത്തിൽ അൽഅദാമ ഏരിയയിലാണ്​​ കേസിനാസ്​പദമായ സംഭവം​. ബഖാലയിൽ കയറി പണം സൂക്ഷിച്ച കൗണ്ടറിലേക്ക്​ അതിക്രമിച്ച്​ കയറുകയും​ കത്തിവീശി പണം അപഹരിച്ച്​ പുറത്തേക്കോടി വാഹനത്തിൽ രക്ഷപ്പെടുകയായിരുന്നു. രണ്ടിലേറെ പേരാണ്​ കവർച്ച സംഘത്തിലുണ്ടായിരുന്നത്​. ആക്രമണത്തിൽ കത്തി തട്ടി കഴുത്തിൽ പരിക്കേൽക്കുകയും ചെയ്​തിരുന്നു. പരിക്കേറ്റ മൂസക്കുട്ടിയെ റെഡ് ​ക്രസൻറി​​​െൻറ സഹായത്തോടെ ആംബുലൻസിലാണ്​ അന്ന്​ ആശുപ​​​ത്രിയിലെത്തിച്ച്​ ചികിത്സ നൽകിയത്​. 

അതേ ദിവസം തന്നെ, മണിക്കൂറുകളുടെ വ്യത്യാസത്തിൽ ​ദമ്മാം നഗരത്തി​ലെ ഹയ്യ്​ ഇത്തിസാലാത്ത്​ ഏരിയയിൽ സമാന രീതിയിൽ നടന്ന കവർച്ചക്ക്​ പിന്നിലും ഇതേ സംഘം തന്നെയാണെന്നാണ്​ വ്യക്​തമാവുന്നത്​.  ഇതേ സംഭവത്തിലും കവർച്ചാ ​​ശ്രമത്തിനിടെ മറ്റൊരു മലയാളിക്ക്​ സാരമായി പരിക്കേറ്റിരുന്നു. ഇദ്ദേഹവും തെളിവുകൾ സുരക്ഷാ ഉദ്യോഗസ്​ഥർക്ക്​ കൈമാറി. ആക്രമണത്തി​​​െൻറ ആഘാതത്തിൽ നിന്ന്​ മുക്തമാവുന്നതിന്​ മ​ു​േമ്പ പ്രതികൾ പിടിയിലായതി​​​െൻറ ആശ്വാസത്തിലാണ്​ ബഖാല ജീവനക്കാർ.