ജൂവലറിയിൽ വൻ തട്ടിപ്പ്​; 1.20 കോടി റിയാൽ നഷ്​ടമായി

ജിദ്ദ: ജിദ്ദയിലെ ഒരു വൻകിട ജൂവലറിയിൽ തട്ടിപ്പ്​. 1.20 കോടി റിയാൽ വില വരുന്ന അമൂല്യ രത്​നങ്ങൾ പതിച്ച ആഭരണങ്ങളുമായി രണ്ടംഗ സംഘം കടന്നുകളഞ്ഞു​. വജ്രവും മരതകവും ഒക്കെ പിടിപ്പിച്ച കണ്​ഠാഭരണവും കമ്മലും ഒക്കെ അടങ്ങിയ ഒരു സെറ്റായിരുന്നു ഇത്​. ആഭരണം വാങ്ങിയ ശേഷം വ്യാജ ചെക്ക്​ നൽകി സംഘം കടന്നുകളയുകയായിരുന്നുവ​ത്രെ. തട്ടിപ്പ്​ മനസിലാക്കിയപ്പോഴേക്കും ആഭരണവുമായി തട്ടിപ്പ്​ സംഘം സ്​ഥലം വിട്ടിരുന്നു. തട്ടിപ്പ്​ നടത്തിയ രണ്ടുപേരെയും ജിദ്ദ പൊലീസ്​ തിരിച്ചറിഞ്ഞിട്ടുണ്ട്. യമൻ സ്വദേശിയും സൗദി പൗരനുമാണ്​ ഇതിന്​ പിന്നിൽ. ഇവരുടെ ചിത്രവും നഷ്​ടപ്പെട്ട ആഭരണത്തി​​െൻറ ചിത്രവും പൊലീസ്​ പുറത്തുവിട്ടിട്ടുണ്ട്​.