‘റോഡ്​സ്​ ഒാഫ്​ അറേബ്യ’ പ്രദർശനം ജപ്പാനിൽ 

ജിദ്ദ: സൗദി അറേബ്യയുടെ പുരാവസ്​തു പൈതൃകത്തി​​​െൻറ നേർക്കാഴ​്​ചയൊരുക്കി ​‘റോഡ്​സ്​ ഒാഫ്​ അറേബ്യ’ പ്രദർശനം ജപ്പാനിൽ ആരംഭിച്ചു. 
ടോക്യോ നാഷനൽ മ്യൂസിയത്തിലാണ്​ പ്രദർശനം നടക്കുന്നത്​. നവംബർ, ഡിസംബർ മാസങ്ങളിൽ 50 ദിവസം റിയാദ്​ നാഷനൽ മ്യൂസിയത്തിൽ അരങ്ങേറിയ സഞ്ചരിക്കുന്ന പ്രദർശനത്തി​​​െൻറ പുതിയ താവളമാണ്​ ജപ്പാൻ. 

400 ലേറെ അമൂല്യ പുരാവസ്​തുക്കൾ ജപ്പാനിലെത്തിച്ചിട്ടുണ്ട്​. 10 ലക്ഷം വർഷം പഴക്കമുള്ള ഏഷ്യയിലെ ഏറ്റവ​​ും പഴയ ശിലായുധം, 5000 വർഷം മുമ്പുള്ള മരുഭൂമിയിലെ ശിലാസ്​തംഭം, കഅബയുടെ 17ാം നൂറ്റാണ്ടിലെ വാതിൽ, അബ്​ദുൽ അസീസ്​ രാജാവി​​​െൻറ സ്വകാര്യവസ്​തുക്കൾ എന്നിവയാണ്​ പ്രധാന ആകർഷണം. സൗദിയുടെ നാഷനൽ അതോറിറ്റി ഫോർ ടൂറിസം ആൻഡ്​ ​നാഷനൽ ഹെറിറ്റേജി​​​െൻറ കാർമികത്വത്തിലുള്ള പ്രദർശനത്തി​​​െൻറ സ്​പോൺസർമാർ സൗദി അരാംകോയാണ്​.