റോഡ് സുരക്ഷ കാമ്പയിൻ; നിയമലംഘനങ്ങൾ കുറഞ്ഞെന്ന്​ ട്രാഫിക് വകുപ്പ്

യാം​ബു: സൗ​ദി​യി​ൽ റോ​ഡ് സു​ര​ക്ഷ​യു​ടെ ഭാ​ഗ​മാ​യി ഗ​താ​ഗ​ത മ​ന്ത്രാ​ല​യം ന​ട​ത്തു​ന്ന ബോ​ധ​വ​ത്‌​ക​ര​ണ കാ​മ്പ​യി​ൻ ഫ​ലം കാ​ണു​ന്ന​താ​യി റി​പ്പോ​ർ​ട്ട്. ‘വ്യ​തി​രി​ക്ത​വും സു​ര​ക്ഷി​ത​വു​മാ​യ റോ​ഡു​ക​ൾ’ എ​ന്ന ശീ​ർ​ഷ​ക​ത്തി​ലാ​ണ്​ രാ​ജ്യ​ത്തു​ട​നീ​ളം കാ​മ്പ​യി​ൻ. 14,476 നി​രീ​ക്ഷ​ണ സ്‌​ക്വാ​ഡു​ക​ളും 14,164 ഫീ​ൽ​ഡ് സ​ർ​വേ​യും മ​ന്ത്രാ​ല​യ​ത്തി​ന്റെ കോ​ൾ സെൻറ​ർ ന​മ്പ​ർ 938 വ​ഴി 312 നി​രീ​ക്ഷ​ണ​ങ്ങ​ളും ന​ട​ത്തി​യെ​ന്നും കാ​മ്പ​യി​ൻ റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി. റി​യാ​ദ് മേ​ഖ​ല​യി​ൽ മാ​ത്രം 2,850 നി​രീ​ക്ഷ​ണ​ങ്ങ​ളാ​ണ് ന​ട​ത്തി​യ​ത്. മ​ക്ക​യി​ൽ 1,630, അ​ൽ ഖ​സീം 1,359, മ​ദീ​ന 1,355, ന​ജ്‌​റാ​ൻ 316 എ​ന്നി​ങ്ങ​നെ​യാ​ണ്​ മ​റ്റി​ട​ങ്ങ​ളി​ൽ ന​ട​ന്ന നി​രീ​ക്ഷ​ണം.

റോ​ഡ​വ​കാ​ശ​ങ്ങ​ളെ​യും വാ​ഹ​ന​മോ​ടി​ക്കു​ന്ന​വ​രും സ​ഞ്ചാ​രി​ക​ളും പാ​ലി​ക്കേ​ണ്ടു​ന്ന നി​ർ​ദേ​ശ​ങ്ങ​ളെ​യും കു​റി​ച്ച് അ​വ​ബോ​ധ​ന പ​രി​പാ​ടി​ക​ൾ സം​ഘ​ടി​പ്പി​ക്കു​ന്നു. റോ​ഡി​ൽ ഉ​പ​യോ​ക്താ​വി​ന് ല​ഭി​ക്കേ​ണ്ട അ​വ​കാ​ശ​ങ്ങ​ളെ​ക്കു​റി​ച്ച് ബോ​ധ​വ​ത്ക​രി​ക്കു​ക, അ​പ​ക​ട​ര​ഹി​ത ഗ​താ​ഗ​തം എ​ന്ന സം​സ്‌​കാ​രം വ​ള​ർ​ത്തു​ക, ട്രാ​ഫി​ക് വ​കു​പ്പ് റോ​ഡു​ക​ളി​ലേ​ർ​പ്പെ​ടു​ത്തു​ന്ന നി​യ​ന്ത്ര​ണ​ങ്ങ​ളും ട്രാ​ഫി​ക് നി​ർ​ദേ​ശ​ങ്ങ​ളും കൃ​ത്യ​മാ​യി പാ​ലി​ക്കാ​ൻ പ്രേ​രി​പ്പി​ക്കു​ക എ​ന്ന ല​ക്ഷ്യ​ങ്ങ​ളോ​ടെ​യാ​ണ്​ കാ​മ്പ​യി​ൻ.

വി​വി​ധ സ​ർ​വ​ക​ലാ​ശാ​ല​ക​ളി​ലെ വി​ദ്യാ​ർ​ഥി​ക​ളും ഗ​താ​ഗ​ത, ലോ​ജി​സ്​​റ്റി​ക് സേ​വ​ന മ​ന്ത്രാ​ല​യ​ത്തി​ലെ​യും ജീ​വ​ന​ക്കാ​രും അ​ട​ങ്ങി​യ 61 ടീ​മു​ക​ളി​ലെ 620 അം​ഗ​ങ്ങ​ളു​ടെ പ​ങ്കാ​ളി​ത്ത​ത്തോ​ടെ, മൊ​ത്തം 73,000 കി​ലോ​മീ​റ്റ​റി​ല​ധി​ക​മു​ള്ള രാ​ജ്യ​ത്തെ റോ​ഡ് ശൃം​ഖ​ല പൂ​ർ​ണ​മാ​യും സ​ർ​വേ ചെ​യ്യാ​നും വി​ല​യി​രു​ത്താ​നു​മു​ള്ള പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നു. വി​ദ്യാ​ർ​ഥി​ക​ൾ, റോ​ഡ് സു​ര​ക്ഷ​ക്കാ​യി പ്ര​ത്യേ​ക സേ​ന​യി​ലെ അം​ഗ​ങ്ങ​ൾ, ക​മ്യൂ​ണി​ക്കേ​ഷ​ൻ​സ് ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി മ​ന്ത്രാ​ല​യ​ത്തി​​ന്റെ പ്ര​തി​നി​ധി​ക​ൾ എ​ന്നി​വ​ർ കാ​മ്പ​യി​ൻ പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​ക​ളാ​ണ്.

മൂ​ന്നു​വ​ർ​ഷ​ത്തി​നു​ള്ളി​ൽ 5.7 റോ​ഡ് ഗു​ണ​നി​ല​വാ​ര റേ​റ്റി​ങ്ങി​ൽ സൗ​ദി എ​ത്തി​യി​ട്ടു​ണ്ട്. റോ​ഡ​പ​ക​ട​ങ്ങ​ൾ മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് 50 ശ​ത​മാ​ന​ത്തി​ല​ധി​കം കു​റ​വ് വ​ന്നു. 2030 ആ​കു​മ്പോ​ഴേ​ക്കും ഇ​നി​യും അ​പ​ക​ട​നി​ര​ക്ക്​ ഗ​ണ്യ​മാ​യി കു​റ​ക്കാ​ൻ ക​ഴി​യു​മെ​ന്ന ക​ണ​ക്കു​കൂ​ട്ട​ലാ​ണ് ഗ​താ​ഗ​ത വ​കു​പ്പി​നു​ള്ള​ത്. റോ​ഡ് ശൃം​ഖ​ല​യു​ടെ കാ​ര്യ​ക്ഷ​മ​ത​യും സു​ര​ക്ഷ​നി​ല​വാ​ര​വും ഉ​യ​ർ​ത്താ​നും മി​ക​ച്ച റോ​ഡ് സേ​വ​നം ല​ഭ്യ​മാ​ക്കാ​നും കാ​മ്പ​യി​ൻ വ​ഴി സാ​ധി​ക്കു​മെ​ന്നും അ​ധി​കൃ​ത​ർ ക​ണ​ക്കു​കൂ​ട്ടു​ന്നു.