പത്ത്​ മാസത്തിനുള്ളിൽ  വാഹനാപകടത്തിൽ മരിച്ചത്​്​ 1,864 പേർ; പര​ിക്കേറ്റത്​ 11,441 പേർക്ക്​

ജിദ്ദ: ഗതാഗതവകുപ്പി​​െൻറ കണക്ക്​ പ്രകാരം പത്ത്​ മാസത്തിനുള്ളിൽ സൗദിയിൽ വാഹനാപകടത്തിൽ മരിച്ചത്​്​ 1864 പേർ. ആകെ അപകടങ്ങളുടെ എണ്ണം 13,276. ഒക്​ടോബർ 31 വരെയുള്ള പത്ത്​ മാസത്തെ കണക്കാണിത്​.  11,441 പേർക്ക്​ അപകടങ്ങളിൽ പരിക്കേറ്റിട്ടുണ്ട്​. റോഡിൽ പൊലിയുന്ന ജീവിതങ്ങളുടെയും ദീനക്കിടക്കയിലാകുന്ന വരുടെയും  കണക്കാണിത്​. മരിക്കുന്നതിനേക്കാൾ കഷ്​ടമാണ്​ പലപ്പോഴും അപകടം പറ്റി കിടപ്പിലാവുന്നവരുടെ അവസ്​ഥ. 
അപകടങ്ങൾ കുറക്കാൻ അധികൃതർ നിയമങ്ങൾ കർശനമാക്കു​േമ്പാഴും  ദുരന്തങ്ങളുടെ എണ്ണത്തിൽ കുറവില്ല എന്നാണ്​ മൊത്തം കണക്കുകൾ സൂചിപ്പിക്കുന്നത്​. ഡ്രൈവിങിനിടയിൽ  മൊബൈൽ ഫോൺ ഉപയോഗം അപകടങ്ങളുടെ പ്രധാന കാരണങ്ങളിലൊന്നാണെന്ന്​ അധികൃതർ വിലയിരുത്തുന്നു. ഡ്രൈവിങിനിടെ മൊബൈല്‍ ഉപയോഗവും സീറ്റ് ​െബല്‍റ്റും പരിശോധിക്കുന്ന കാമറ പരീക്ഷണ ഘട്ടത്തിലാണ്​.

അമിതവേഗത, ചുവന്ന സിഗ്​നല്‍ മുറിച്ചുകടക്കല്‍ എന്നിവ നിരീക്ഷിക്കാന്‍ നിലവിലുള്ള സാഹിര്‍ കാമറകള്‍ക്ക് പുറമെ പുതിയ കാമറ  സ്ഥാപിക്കാനും അധികൃതര്‍ ഉദ്ദേശിക്കുന്നണ്ട്​. രാജ്യത്തെ മിക്ക പട്ടണങ്ങളിലും ഹൈവേകളിലും അമിത വേഗത നിയന്ത്രിക്കാൻ സാഹിർ കാമറകൾ സ്​ഥാപിച്ചിട്ടുണ്ട്​. വലിയ പിഴയുള്ളതിനാൽ ഡ്രൈവർമാർക്ക്​ ഇൗ കാമറകളെ പേടിയാണ്​. രാത്രിയിൽ ഉറക്കമിളിച്ചുള്ള ഡ്രൈവിങും​ അപകടങ്ങൾക്ക്​  കാരണമാവുന്നുണ്ട്​. സൗദി നിരത്തുകളില്‍ വാഹനങ്ങളുടെ എണ്ണം വര്‍ധിക്കുന്നത്​​  ഗതാഗതക്കുരുക്കിനും അപകടനിരക്ക് വര്‍ധിക്കാനും കാരണമാവുന്നുണ്ടെന്നാണ് ട്രാഫിക് വിഭാഗത്തി​​െൻറ വിലയിരുത്തല്‍. ഇതി​​െൻറ ഭാഗമായി വിദേശികൾക്ക്​ ഡ്രൈവിങ്​ ലൈസൻസ്​ അനുവദിക്കുന്നത്​ നിയന്ത്രിക്കാനുള്ള ഒരുക്കത്തിലാണ്​  അധികൃതർ.

അത്രയെങ്കിലും കുറക്കാനാവുമോ എന്നാണ്​ ആലോചന. വനിതകൾ കൂടി വാഹനമോടിക്കാൻ തുടങ്ങുന്നതോടെ റോഡിലെ തിരക്ക്​ കുതിച്ചുയരുമെന്നാണ്​ പ്രതീക്ഷിക്കുന്നത്​. അതേ സമയം ഇൻഷുർ ചെയ്യാത്ത വാഹനങ്ങൾ അപകടത്തിൽപെട്ട്​ നഷ്​ടപരിഹാരം ലഭിക്കാതെ പരിക്കേറ്റവർ ദുരിതവും നഷ്​ടവും സഹിക്കുന്നത്​ ഏറിയിട്ടുണ്ടെന്ന്​ ഇൗയിടെ പ്രാദേശികപത്രം റിപ്പോർട്ട്​ ചെയ്​തിരുന്നു.