ത്വാഇഫിൽ രണ്ടിടത്ത്​ അപകടം; ആറുമരണം, നാലുപേർക്ക്​ പരിക്ക്​

ത്വാഇഫ്​: ത്വാഇഫിൽ രണ്ടിടത്തുണ്ടായ അപകടത്തിൽ ആറുപേ​ർ മരിക്കുകയും നാലുപേർക്ക്​ പരിക്കേൽക്കുകയും ചെയ്​തു. ത്വാഇഫിന്​ വടക്ക്​ ദലം റോഡിലും ഹോയ്​സ്​ മൈതാനം കഴിഞ്ഞ ഉടനെയുള്ള പാലത്തിനടുത്തുമാണ്​ അപകടങ്ങൾ ഉണ്ടായത്​. ദലം റോഡിൽ രണ്ടുവാഹനങ്ങൾ മുഖാമുഖം കൂട്ടിയിടിക്കുകയായിരുന്നു. ഇൗ അപകടത്തിൽ നാല്​ പേർ മരിച്ചതായി ത്വാഇഫ്​ റെഡ്​ക്രസൻറ്​ വക്​താവ്​ ശാദി അൽസുബൈത്തി പറഞ്ഞു. ഏഴ്​ പേരാണ്​ അപകടത്തിൽപ്പെട്ടത്​. എല്ലാവരും വാഹനത്തിനുള്ളിൽ കുടുങ്ങി കിടക്കുകയായിരുന്നു. സിവിൽ ഡിഫൻസ്​ എത്തിയാണ്​ വാഹനത്തിനുള്ളിൽ നിന്ന്​ ഇവരെ പുറത്തെടുത്തത്​. പരിക്കേറ്റ മൂന്ന്​ പേരുടെ നില ഗുരുതരമാണ്​. ഹോയ്​സ്​ മൈതാനത്തിനടുത്ത്​ താഇഫ്​ എയർപോർട്ട്​ റോഡിലുണ്ടായ അപകടത്തിൽ ഒരു പുരുഷനും ഒരു സ്​ത്രീയുമാണ്​ മരിച്ചത്​. മറ്റൊരു വനിതക്ക്​ പരിക്കേറ്റിട്ടുണ്ട്​. ഇവരെ പ്രിൻസ്​ സുൽത്താൻ സൈനിക ആശുപത്രിയിൽ പ്രവേശിപ്പിച്ചതായും റെഡ്​ക്രസൻറ്​ വക്​താവ്​ പറഞ്ഞു.