റിയാദ്​ പാസ്​പോർട്ട്​ മേധാവി നിര്യാതനായി

റിയാദ്: സൗദി പാസ്​പോർട്ട്​ ഡയറക്​ടറേറ്റ്​ (ജവാസത്​) റിയാദ് റീജനൽ ഡയറക്ടർ ജനറൽ മേജർ ജനറൽ മുഹമ്മദ് ബിൻ അബ്​ദുൽ അസീസ് അൽസഅദ് അന്തരിച്ചു. റിയാദ്​ ശിഫയിലെ അമീർ ഫഹദ്​ ബിൻ മുഹമ്മദ്​ ബിൻ അബ്​ദുറഹ്​മാൻ അൽസഊദ്​ മസ്​ജിദിൽ അസർ നമസ്കാരാനന്തരം മയ്യിത്ത്​ നമസ്​കരിച്ച ശേഷം മൻസൂരിയയിലെ മഖ്​ബറയിൽ ഖബറടക്കും.

2021 ജനുവരിയിലാണ് ഇദ്ദേഹം റിയാദ് ജവാസത്ത് മേധാവിയായി ചുമതലയേറ്റത്. നേരത്തെ പാസ്​പോർട്ട്​ ഡയറക്ടറേറ്റിന്‍റെ മീഡിയ ഡയറക്ടർ ആയിരുന്നു. കോവിഡ്​ കാലത്ത്​ ജവാസത്ത്​ തീരുമാനങ്ങൾ വാർത്താസമ്മേളനത്തിൽ മറ്റും അറിയിച്ചിരുന്നത്​ ഇദ്ദേഹമായിരുന്നു.