കോവിഡ് ചികിത്സയിലായിരുന്ന മലയാളി റിയാദിൽ മരിച്ചു

റിയാദ്: കോവിഡ്​ ബാധിച്ച്​ റിയാദിലെ ആശുപത്രിയിൽ ചികിത്സയിലായിരുന്ന മലയാളി മരിച്ചു. കോഴിക്കോട്​ കടലുണ്ടി നഗരം ആനങ്ങാടി സ്വദേശിയും പരേതനായ  കരുവൻതിരുത്തി അബ്​ദുൽ ഖാദറി​​െൻറ പുത്രനുമായ നാലകത്ത് അബ്​ദുൽ ഹമീദ് (50) ആണ്​ തിങ്കളാഴ്​ച രാത്രി മരിച്ചത്​. 

റിയാദിലെ കിങ്​ ഫഹദ് മെഡിക്കൽ  സിറ്റിയിലായിരുന്നു ചികിത്സയിൽ കഴിഞ്ഞത്​. ദീർഘകാലമായി റിയാദിലുണ്ടായിരുന്ന ഇദ്ദേഹം ഏഴ് മാസം മുമ്പാണ് നാട്ടിൽ നിന്ന് അവധി കഴിഞ്ഞ് തിരിച്ചെത്തിയത്. 

മാതാവ്  നാലകത്ത് ബീഫാത്തിമ. ഭാര്യ: സക്കീന. മക്കൾ: ഹന്ന നസ്റീൻ, ഫാത്വിമ റിൻഷ, ഷഹീം പക്സാൻ. സഹോദരങ്ങൾ: അബ്​ദുസമദ്, ദാവൂദ്, ഹബീബ് (മൂവരും സൗദിയിൽ),  സുലൈഖ, ശരീഫ, സരീന, മുംതാസ്. മൃതദേഹം റിയാദിൽ ഖബറടക്കുന്നതിനുള്ള നടപടിക്രമങ്ങൾ റിയാദ് കെ.എം.സി.സി സെൻട്രൽ കമ്മിറ്റി വെൽഫെയർ വിങ്​ ചെയർമാൻ  സിദ്ദീഖ് തുവ്വൂരി​​െൻറ നേതൃത്വത്തിൽ പൂർത്തിയാകുന്നു.