റി​യാ​ദ്​ ഭ​ക്ഷ്യ​വി​ഷ​ബാ​ധ; 25 പേ​ർ ആ​ശു​പ​ത്രി വി​ട്ടു -ആ​രോ​ഗ്യ മ​ന്ത്രാ​ല​യം

റി​യാ​ദ്​: റി​യാ​ദ്​ ന​ഗ​ര​ത്തി​ൽ​ ക​ഴി​ഞ്ഞ​ദി​വ​സം ഭ​ക്ഷ്യ​വി​ഷ​ബാ​ധ​യേ​റ്റ​വ​രി​ൽ പ​കു​തി​യി​ല​ധി​കം​പേ​രും തീ​വ്ര​പ​രി​ച​ര​ണ വി​ഭാ​ഗ​ത്തി​ൽ നി​ന്ന് ഡി​സ്ചാ​ർ​ജ് ചെ​യ്യ​പ്പെ​ട്ട​താ​യി ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി. ഇ​തി​ൽ 25 പേ​ർ ആ​രോ​ഗ്യ​ത്തോ​ടെ ആ​ശു​പ​ത്രി വി​ട്ടു. ക​ഴി​ഞ്ഞ മൂ​ന്ന് ദി​വ​സ​ങ്ങ​ളി​ൽ കേ​സു​ക​ളു​ടെ എ​ണ്ണ​ത്തി​ൽ വ്യ​ക്ത​മാ​യ കു​റ​വു​ണ്ടാ​യ​താ​യി ആ​രോ​ഗ്യ മ​ന്ത്രാ​ല​യ ഔ​ദ്യോ​ഗി​ക വ​ക്താ​വ് ഡോ. ​മു​ഹ​മ്മ​ദ് അ​ൽ അ​ബ്ദു ആ​ലി പ​റ​ഞ്ഞു. മു​മ്പ് വ്യ​ക്ത​മാ​ക്കി​യ​ത​ല്ലാ​തെ കേ​സു​ക​ളു​മാ​യി ബ​ന്ധ​പ്പെ​ട്ട മ​റ്റു ഉ​റ​വി​ട​ങ്ങ​ളൊ​ന്നു​മി​ല്ലെ​ന്നും ‘എ​ക്സ്’ പ്ലാ​റ്റ്‌​ഫോ​മി​ലെ ​ത​ന്റെ ഔ​ദ്യോ​ഗി​ക അ​ക്കൗ​ണ്ടു​വ​ഴി ട്വീ​റ്റി​ൽ കൂ​ട്ടി​ച്ചേ​ർ​ത്തു. ഔ​ദ്യോ​ഗി​ക ഉ​റ​വി​ട​ങ്ങ​ളി​ൽ നി​ന്ന് വി​വ​ര​ങ്ങ​ളെ​ടു​ക്കേ​ണ്ട​തി​ന്റെ പ്രാ​ധാ​ന്യ​വും കിം​വ​ദ​ന്തി​ക​ളും സ്ഥി​രീ​ക​രി​ക്കാ​ത്ത വി​വ​ര​ങ്ങ​ളും പ്ര​ച​രി​പ്പി​ക്കു​ന്ന​ത് ഒ​ഴി​വാ​ക്കേ​ണ്ട​തി​ന്റെ ആ​വ​ശ്യ​ക​ത​യും അ​ദ്ദേ​ഹം സൂ​ചി​പ്പി​ച്ചു.

ക​ഴി​ഞ്ഞാ​ഴ്​​ച​യാ​ണ്​ റി​യാ​ദ്​ ന​ഗ​ര​ത്തി​ലെ ഒ​രു ഭ​ക്ഷ​ണ​ശാ​ല​യി​ൽ ഏ​താ​നും ആ​ളു​ക​ൾ​ക്ക്​ ഭ​ക്ഷ്യ​വി​ഷ​ബാ​ധ​​യു​ണ്ടാ​യ​ത്. ഭ​ക്ഷ്യ​വി​ഷ​ബാ​ധ​യേ​റ്റ​വ​രു​ടെ എ​ണ്ണം 35 ആ​യി ഉ​യ​ർ​ന്ന​താ​യും ഇ​തി​ൽ 27 പേ​ർ തീ​വ്ര​പ​രി​ച​ര​ണ വി​ഭാ​ഗ​ത്തി​ലാ​ണെ​ന്നും ആ​രോ​ഗ്യ വ​ക്താ​വ്​ നേ​ര​ത്തെ വ്യ​ക്ത​മാ​ക്കി​യി​രു​ന്നു. എ​പ്പി​ഡെ​മി​യോ​ള​ജി​ക്ക​ൽ അ​ന്വേ​ഷ​ണ​വും ബ​ന്ധ​പ്പെ​ട്ട അ​ധി​കാ​രി​ക​ളു​മാ​യു​ള്ള സം​യോ​ജ​ന​വും അ​ണു​ബാ​ധ​യു​ടെ സാ​ധ്യ​ത കു​റ​യ്ക്കു​ന്ന​തി​നും വി​ഷ​ബാ​ധ​യേ​റ്റ​വ​രെ​ക്ക​ണ്ടെ​ത്തി ചി​കി​ത്സ ല​ഭ്യ​മാ​ക്കു​ന്ന​തി​നും കാ​ര​ണ​മാ​യെ​ന്നും വ​ക്താ​വ്​ പ​റ​ഞ്ഞി​രു​ന്നു.