ര​ജി​സ്റ്റ​ർ ചെ​യ്യാ​ത്ത ഉ​ൽ​പ​ന്ന​ങ്ങ​ൾ വി​റ്റ​തി​ന് റി​യാ​ദി​ൽ ഫാ​ക്ട​റി​ക്ക് 14 ല​ക്ഷം പി​ഴ

റി​യാ​ദ്​: ര​ജി​സ്റ്റ​ർ ചെ​യ്യാ​ത്ത ഉ​ൽ​പ​ന്ന​ങ്ങ​ൾ വി​റ്റ​തി​ന് റി​യാ​ദി​ൽ സ്വ​കാ​ര്യ ഫാ​ക്ട​റി​ക്ക് 14 ല​ക്ഷം പി​ഴ. റി​യാ​ദി​ലെ ന്യൂ ​ഇ​ൻ​ഡ​സ്ട്രി​യ​ൽ സി​റ്റി​യി​ലെ ഒ​രു ഫാ​ക്ട​റി​ക്കാ​ണ്​ സൗ​ദി ഫു​ഡ് ആ​ൻ​ഡ് ഡ്ര​ഗ് അ​തോ​റി​റ്റി ഇ​ത്ര​യ​ധി​കം പി​ഴ ചു​മ​ത്തി​യ​ത്. ര​ജി​സ്റ്റ​ർ ചെ​യ്യു​ന്ന​തി​ന് മു​മ്പ് ഫാ​ർ​മ​സ്യൂ​ട്ടി​ക്ക​ൽ ഉ​ൽ​പ​ന്ന​ങ്ങ​ൾ നി​ർ​മി​ക്കു​ക​യും വി​ൽ​പ​ന ന​ട​ത്തു​ക​യും ചെ​യ്​​ത​താ​യി ക​ണ്ടെ​ത്തി​യ​തി​നെ തു​ട​ർ​ന്നാ​ണി​ത്.

അ​തോ​റി​റ്റി​യു​ടെ നി​രീ​ക്ഷ​ണ പ​ര്യ​ട​ന​ങ്ങ​ൾ​ക്കി​ട​യി​ലാ​ണ്​ നി​യ​മ​ലം​ഘ​നം നി​രീ​ക്ഷി​ച്ച​ത്. ഫാ​ക്‌​ട​റി ര​ജി​സ്റ്റ​ർ ചെ​യ്യു​ന്ന​തി​നു മു​മ്പ്​ വാ​ണി​ജ്യാ​ടി​സ്ഥാ​ന​ത്തി​ൽ ഫാ​ർ​മ​സ്യൂ​ട്ടി​ക്ക​ൽ, ഹെ​ർ​ബ​ൽ ഉ​ൽ​പ​ന്ന​ങ്ങ​ൾ സ്ഥാ​പ​നം നി​ർ​മി​ച്ച് വി​ൽ​ക്കു​ന്ന​താ​യി ക​ണ്ടെ​ത്തി. വ്യ​ത്യ​സ്​​ത ത​ര​ത്തി​ലു​ള്ള 29 ഉ​ൽ​പ​ന്ന​ങ്ങ​ളു​​ടെ ഒ​രു ല​ക്ഷ​ത്തി​ല​ധി​കം പാ​ക്കേ​ജു​ക​ൾ പി​ടി​ച്ചെ​ടു​ത്തു.

ഫാ​ർ​മ​സ്യൂട്ടി​ക്ക​ൽ, ഹെ​ർ​ബ​ൽ ഉ​ൽ​പ​ന്ന​ങ്ങ​ളു​ടെ​യും സ്ഥാ​പ​ന ച​ട്ട​ങ്ങ​ളു​ടെ​യും ആ​ർ​ട്ടി​ക്കി​ൾ 28​ന്റെ ​അ​ടി​സ്ഥാ​ന​ത്തി​ൽ ഇ​ത്​ നി​യ​മ​ലം​ഘ​ന​മാ​യി ക​ണ​ക്കാ​ക്കു​ന്ന​താ​യി അ​തോ​റി​റ്റി വ്യ​ക്ത​മാ​ക്കി.

ഒ​രു ഫാ​ർ​മ​സ്യൂ​ട്ടി​ക്ക​ൽ, ഹെ​ർ​ബ​ൽ നി​ർ​മാ​ണ ഫാ​ക്ട​റി ഫാ​ർ​മ​സ്യൂ​ട്ടി​ക്ക​ൽ, ഹെ​ർ​ബ​ൽ ഉ​ൽ​പ​ന്ന​ങ്ങ​ൾ ര​ജി​സ്റ്റ​ർ ചെ​യ്ത​തി​ന് ശേ​ഷ​മ​ല്ലാ​തെ വാ​ണി​ജ്യാ​ടി​സ്ഥാ​ന​ത്തി​ൽ ഉ​ൽ​പാ​ദി​പ്പി​ക്കാ​നോ വി​ൽ​പ​ന ന​ട​ത്താ​നോ പാ​ടി​ല്ലെ​ന്ന്​ അ​ത്​ വ്യ​വ​സ്ഥ ചെ​യ്യു​ന്നു. 10​ വ​ർ​ഷ​ത്തി​ൽ കൂ​ടാ​ത്ത ത​ട​വോ ഒ​രു കോ​ടി റി​യാ​ലി​ൽ കൂ​ടാ​ത്ത പി​ഴ​യോ അ​ല്ലെ​ങ്കി​ൽ ര​ണ്ടും കൂ​ടി​യോ ശി​ക്ഷി​ക്കു​മെ​ന്ന്​ അ​തോ​റി​റ്റി അ​റി​യി​ച്ചു.