റിയാദ്​ പുസ്​തകോത്സവം അറബ്​ സാംസ്​കാരിക വിനിമയത്തി​െൻറ  പാലം -മന്ത്രി അവാദ്​ അൽ അവാദ്​

റിയാദ്​: റിയാദ്​ ഇൻറർനാഷനൽ  പുസ്​തകോത്സവം അറബ്​ സംസ്​കാരിക വിനിമയത്തി​​​െൻറ  പാലമാണെന്ന്​ സാംസ്​കാരിക വാർത്താവിതരണമന്ത്രി അവാദ്​ അൽ അവാദ്​ പറഞ്ഞു. ഇത്തവണ യു.എ.ഇയാണ്​ പുസ്​തകോൽസവത്തിലെ അതിഥിരാജ്യം. ആ രാജ്യവുമായി സൗദിയുടെ രാഷ്​ട്രീയവും സാംസ്​കാരികവും സാമ്പത്തികവുമായി ആഴത്തിലുള്ള ബന്ധം പ്രതിഫലിപ്പിക്കുന്നതാണ്​ പരിപാടി എന്നും അദ്ദേഹം പറഞ്ഞു. റിയാദ്​ ഇൻറർനാഷനൽ ആൻറ്​ കൺവെൻഷൻ ആൻറ്​ എക്​സിബിഷൻ സ​​െൻററിൽ പുസ്​തകോൽസവം ഉദ്​ഘാടനം ചെയ്​ത്​ സംസാരിക്കുകയായിരുന്നു അദ്ദേഹം. 

യു.എ.ഇ സാംസ്​കാരിക മന്ത്രി നൂറ ബിൻത്​ മുഹമ്മദ്​ അൽഖാബി  ചടങ്ങിൽ പ​െങ്കടുത്തു. ഇത്തരം പുസ്​തകോൽസവങ്ങൾ രാജ്യത്തി​​​െൻറ സാംസ്​കാരികവും കലാപരവുമായ അടയാളപ്പെടുത്തലുകളുടെയും ആശയ സംവാദങ്ങളുടെ വേദിയാണെന്ന്​ അവർ പറഞ്ഞു. യു.എ.ഇയുടെ പവിലിയനും സാസ്​കാരിക പരിപാടികളും മേളയിലുണ്ട്​. വിവിധ രാജ്യങ്ങളിൽ നിന്നുള്ള 520 പ്രസാധകരാണ്​ പത്ത്​ ദിവസം നീളുന്ന മേളയിൽ പ​െങ്കടുക്കുന്നത്​. സാംസ്​കാരിക പരിപാടികളും സെമിനാറുകളും പുസ്​തകോൽസവത്തി​​​െൻറ ഭാഗമായി നടക്കുന്നുണ്ട്​. ഉദ്​ഘാടന ദിവസം തന്നെ നിരവധി പേർ മേള സന്ദർശിച്ചു. വ്യത്യസ്​ത വിഭാഗങ്ങളിലും  ഭാഷകളിലുമുള്ള എറ്റവും പുതിയ പുസ്​തകങ്ങളുടെയടക്കം വൻ ശേഖരമാണ്​ മേളയിലുള്ളത്​.