ചരിത്രസന്ദർശനത്തിന്​ കാത്ത്​ റിയാദ്​ 

റിയാദ്​: ഇന്നും നാളെയും ലോകത്തി​​​െൻറ മുഴുവൻ ശ്രദ്ധയും റിയാദിൽ കേ​​ന്ദ്രീകരിക്കപ്പെടും. അമേരിക്കൻ പ്രസിഡൻറി​​​െൻറയും 50 ലേറെ അറബ്​, ഇസ്​ലാമിക രാഷ്​ട്രത്തലവൻമാരുടെയും സാന്നിധ്യവും ഇവിടെ നടക്കുന്ന ചർച്ചകളുടെ അജണ്ടയും തന്നെ കാരണം. ലോകത്തി​​​െൻറ സമീപഭാവിയെ ഏറെ നിർണായകമായി സ്വാധീനിക്കുന്ന തീരുമാനങ്ങളാകും റിയാദിൽ നിന്നുണ്ടാകുകയെന്നാണ്​ രാഷ്​ട്രീയ നിരീക്ഷകർ കണക്കുകൂട്ടുന്നത്​. ത​​​െൻറ ആദ്യ വിദേശ സന്ദർശനത്തിനായി സൗദി അറേബ്യയെ ട്രംപ്​ തെര​ഞ്ഞെടുത്തപ്പോൾ തന്നെ ലോകത്തിന്​ നൽകിയത്​ ശക്​തമായ ഒരു സന്ദേശമാണ്​. വിദേശനയത്തിൽ സൗദി അറേബ്യക്ക്​ അമേരിക്ക നൽകുന്ന പ്രാധാന്യം അതിൽ വ്യക്​തമായിരുന്നു. ട്രംപ്​ അധികാരമേറ്റ്​ അധികം കഴിയുന്നതിന്​ മുമ്പ്​ തന്നെ രണ്ടാം കിരീടാവകാശിയും പ്രതിരോധമ​​​ന്ത്രിയുമായ അമീർ മുഹമ്മദ്​ ബിൻ സൽമാൻ വൈറ്റ്​ഹൗസിൽ അദ്ദേഹത്തെ കണ്ടിരുന്നു. ഇപ്പോഴത്തെ സന്ദർശനത്തിന്​ വഴിപാകിയത്​ തന്നെ സമർഥമായ ആ നയതന്ത്രനീക്കമായിരുന്നു എന്ന്​ വിലയിരുത്തപ്പെടുന്നു.

സാഹചര്യത്തി​​​െൻറ സാധ്യതകളും ഗൗരവവും തിരിച്ചറിഞ്ഞുള്ള ഒരുക്കങ്ങളാണ്​ സൗദി അറേബ്യ നടത്തിക്കൊണ്ടിരിക്കുന്നത്​. 50 ലേറെ ഇസ്​ലാമിക രാഷ്​ട്രങ്ങളെയും ഗൾഫ്​ സഹകരണ കൗൺസിൽ അംഗരാഷ്​ട്രങ്ങളെയും ഉച്ചകോടികൾക്കായി റിയാദിലേക്ക്​ വിളിച്ചുവരുത്തിക്കഴിഞ്ഞു. ട്രംപിന്​ ഇസ്​ലാമിക ലോകവുമായുള്ള ആദ്യ മുഖാമുഖത്തിനാണ്​ സൗദി അവസരമൊരുക്കുന്നത്​. ഇസ്​ലാമിക രാഷ്​ട്രങ്ങളിൻമേൽ സൗദി അറേബ്യക്കുള്ള സ്വാധീനത്തിനുള്ള നിദാനമാണ്​ ഇൗ ഉച്ചകോടി. ഇറാനും സിറിയയും ഒഴികെയുള്ള പ്രധാന ഇസ്​ലാമിക രാഷ്​ട്രങ്ങളുടെ നേതാക്കളെല്ലാം എത്തുന്നുണ്ട്​. 

ഇൗ ചർച്ചകളിൽ ഭീകരവാദ, തീവ്രവാദ ഭീഷണിക്ക്​ പുറമേ സിറിയ, യമൻ, ഇറാൻ വിഷയങ്ങളും ചർച്ചയാകും. റിയാദിലെ സംഭവവികാസങ്ങൾ അപ്പ​േപ്പാൾ ലോകത്തെ അറിയിക്കുന്നതിനായി പ്രത്യേക വെബ്​സൈറ്റ്​ തന്നെ ആരംഭിച്ചു കഴിഞ്ഞു. ‘പുതിയൊരു തുടക്കത്തി​ന്​ നാന്ദികുറിക്കുന്നു’ എന്നാണ്​ ഇംഗ്ലീഷ്​, അറബി, ഫ്രഞ്ച്​ ഭാഷകളിലുള്ള വെബ്​സൈറ്റി​​​െൻറ പ്രഖ്യാപനം. വിഷൻ 2030 ​ൻ വിഭാവനം ചെയ്യു​ന്ന പദ്ധതിലക്ഷ്യങ്ങൾക്ക്​ ഗുണകരമാകുന്ന നിലയിൽ വലിയ വിദേശനിക്ഷേപങ്ങൾക്കും വിശാല സഹകരണത്തിനു​ം ഇൗ ദിവസത്തെ ചർച്ചകൾ വഴിതുറക്കുമെന്നും പ്രതീക്ഷിക്കപ്പെടുന്നു.