റിയാദിൽ വൻ മോഷണ സംഘം പിടിയിൽ

റിയാദ്​: റിയാദിൽ പാകിസ്താനികളായ 12 അംഗ മോഷണ സംഘം പൊലീസ്​ പിടിയിൽ. ഇന്ത്യക്കാരനിൽ നിന്ന്​ പരാതി ലഭിച്ചതിനെ തുടർന്ന്​ നടത്തിയ ​അന്വേഷണത്തിലാണ്​ സംഘം പിടിയിലായതെന്ന്​ റിയാദ്​ മേഖല പൊലീസ്​ വക്​താവ്​ പറഞ്ഞു. ഒരു കമ്പനിയുടെ കാഷ്​ കലക്​ടറായ ഇന്ത്യക്കാരൻ കഴിഞ്ഞ ബുധനാഴ്​ചയാണ് ഹയ്യ്​ സുലൈയിൽ വെച്ച്​​ കവർച്ചക്ക്​ ഇരയായത്​. ബാഗിൽ ഏകദേശം ഏഴ്​ ലക്ഷം റിയാലുമായി വാഹനത്തിൽ പോകു​േമ്പാഴായിരുന്നു​ കവർച്ച​. വാഹനത്തിൽ കവർച്ചക്കാരുടെ വാഹനം ഇടിപ്പിച്ച ശേഷം മുഖത്ത്​ പദാർഥം വിതറി അക്രമിക്കുകയായിരുന്നു. 

പിടിവലിക്കിടെ വാഹനത്തി​​​െൻറ ഗ്ലാസ്​ തകർത്തു മോഷ്​ടാക്കൾ ബാഗ്​ കവർന്നു. ഇന്ത്യക്കാര​​​െൻറ പരാതി ലഭിച്ച ഉടനെ​ കവർച്ചക്കാരെ പിടികൂടാൻ വ്യാപകമായി തെരച്ചിൽ ആരംഭിച്ചു.  ആസൂത്രിതമായി കവർച്ച നടത്തിവരുന്ന സംഘമാണിവർ. പണത്തി​​​െൻറ ഉടമകളായ കമ്പനിയുടെ ഒരു ജോലിക്കാരൻ ഇവരുടെ ​കൂടെയുണ്ടെന്നും ഇയാളിൽ നിന്ന്​ രണ്ട്​ ലക്ഷം കണ്ടെടുത്തതായും​ പൊലീസ്​ വക്​താവ്​ പറഞ്ഞു.