റിയാദിൽ വാഹനങ്ങൾ കത്തിച്ചയാളെ പിടികൂടി

റിയാദ്​: നിറുത്തിയിട്ട നിരവധി വാഹനങ്ങൾ കത്തിച്ചയാളെ റിയാദിൽ പൊലീസ്​ പിടികൂടി. നഗരത്തി​​​െൻറ പടിഞ്ഞാറ്​ ഭാഗത്ത്​ ശിഫ ഡിസ്​ട്രിക്​റ്റിലെ ഒരു ഫ്ലാറ്റ്​ സമുച്ചയത്തി​​​െൻറ മുൻവശത്ത്​ നിറുത്തിയിട്ടിരുന്ന നിരവധി കാറുകൾക്കാണ്​ തീപിടിച്ചത്​. മിക്കവയും കത്തിനശിച്ചു. ആരോ കത്തിച്ചതാണെന്ന രീതിയിൽ കത്തിയ കാറുകളുടെ ദൃശ്യങ്ങളടക്കം സാമൂഹിക മാധ്യമങ്ങളിൽ പ്രചരിച്ചിരുന്നു. ഇതി​​​െൻറ ചുവടുപിടിച്ച്​ പൊലീസ്​ നടത്തിയ അന്വേഷണത്തിലാണ്​ പ്രതി വലയിലായത്​. 30 വയസുള്ള തൗഫീഖ്​ അല്ലാഹ്​ എന്ന സ്വദേശി പൗരനാണ്​ അറസ്​റ്റിലായത്​. കാറുകൾക്ക്​ തീ കൊടുക്കാൻ കാരണമെന്നാണ്​ വ്യക്​തമാക്കപ്പെട്ടിട്ടില്ല.