​ൈസനിക നടപടി തുടരണമെന്ന്​  സഅദയിലെ ഗോത്ര നേതാക്കൾ

റിയാദ്​: സൗദി അറേബ്യയുടെ നേതൃത്വത്തിലുള്ള അറബ്​ സഖ്യസേന യമനിലെ ഹൂതി വിമതർക്കെതിരെ നടത്തുന്ന സൈനിക നടപടി തുടരണമെന്ന്​ സആദ പ്രവിശ്യയിലെ ഗോത്ര നേതാക്കൾ ആവശ്യപ്പെട്ടു. റിയാദിൽ സഖ്യസേന വക്​താവ്​ കേണൽ തുർക്കി അൽമാലിക്കിക്ക്​ ഒപ്പം നടത്തിയ വാർത്ത സമ്മേളനത്തിൽ സംസാരിക്കുകയായിരുന്നു അവർ. കഴിഞ്ഞദിവസമാണ്​ ഗോത്ര പ്രമുഖർ സൗദി തലസ്​ഥാനത്ത്​ എത്തിയത്​.

ഇറാൻ പിന്തുണയുള്ള ഭീകരർക്കെതിരെ സആദയുടെ പുത്രൻമാർ പോരാട്ടം തുടരുക​യാണെന്ന്​ ഗോത്ര നേതാവ്​ ശൈഖ്​ അബ്​ദുൽ ഖാലിക്​ ബിശർ പറഞ്ഞു. ത്യാഗത്തി​​​െൻറയും അർപ്പണത്തി​​​െൻറയും പതാകയുയർത്തി അവർ പോരാടുകയാണ്​. കഴിഞ്ഞ ഒന്നരപതിറ്റാണ്ടായി ഇത്​ തുടരുന്നു. സആദയും യമനും മോചിപ്പിക്കാനുള്ള ശ്രമങ്ങൾ ഉൗർജിതമാക്കണമെന്ന്​ യമൻ പ്രസിഡൻറ്​ അബ്​ദു റബ്ബ്​ മൻസൂർ ഹാദിയോട്​ സഖ്യസേനയോടും അദ്ദേഹം അഭ്യർഥിച്ചു. 
സആദ ഗവർണ​േററ്റിലെ ജനങ്ങൾ ഏറെ സഹിച്ചുകഴിഞ്ഞു. പ്രദേശത്തി​​​െൻറ അറബ്​ അസ്​തിത്വം നിലനിർത്താൻ കഷ്​ടപ്പെടുകയാണ്​. ഇറാ​​​െൻറ നേതൃത്വത്തിലുള്ള വിഘടന പ്രവർത്തനങ്ങൾ തടയാനും കഴിയാവുന്നത്​ ചെയ്യുന്നു.

ഒൗദ്യോഗിക യമൻ സർക്കാരിനെ പിന്തുണക്കുന്നതിൽ യമൻ ​ൈസന്യത്തിനും അറബ്​ സഖ്യസേനക്കും നന്ദി പറയുകയാണെന്നും അദ്ദേഹം കൂട്ടിച്ചേർത്തു. യമൻ രാഷ്​ട്രത്തി​​​െൻറ സാമൂഹിക ഘടനയും ചരിത്രവും സംസ്​കാരവും ഗോ​ത്രങ്ങളും ഹൂതികൾ തകർക്കുകയാണെന്ന്​ വാർത്തസമ്മേളനത്തിൽ സംസാരിച്ച കേണൽ തുർക്കി അൽമാലികി സൂചിപ്പിച്ചു.