റിയാദ്​ ഇനി അറബ്​ ‘വിവര തലസ്​ഥാനം’ 

ജിദ്ദ: സൗദി തലസ്​ഥാനത്തെ 2018-19 കാല​േത്തക്കുള്ള അറബ്​ വിവര തലസ്​ഥാനമായി തീരുമാനിച്ചു. കൈറോയിൽ നടന്ന അറബ്​ ലീഗ്​ വിവര സാ​േങ്കതിക വകുപ്പ്​ മന്ത്രിമാരുടെ 49ാമത്​ സമ്മേളനമാണ്​ റിയാദിനെ തെരഞ്ഞെടുത്തത്​. അറബ്​ ലീഗ്​ സെക്രട്ടറിയേറ്റി​​​​െൻറ ഇതുസംബന്ധിച്ച ശിപാർശ കൗൺസിൽ അംഗീകരിക്കുകയായിരുന്നു. ജറുസലമിനെ സ്​ഥിരം അറബ്​ വിവര തലസ്​ഥാനമായും നിശ്​ചയിച്ചു. താൽകാലിക തലസ്​ഥാനം ഒാരോവർഷവും മാറും. സാംസ്​കാരിക, വാർത്ത വിതരണ വകുപ്പുമന്ത്രി ഡോ. അവ്വാധ്​ ബിൻ സാലിഹ്​ അൽഅവ്വാധ്​ ആണ്​ യോഗത്തിൽ സൗദിയെ പ്രതിനിധീകരിച്ചത്​. ഭീകരതയുടെയും വിദ്വേഷത്തി​​​​െൻറയും പ്രചാരണങ്ങൾ നേരിടാൻ സംയുക്​ത നീക്കം വേണമെന്ന്​ യോഗം തീരുമാനിച്ചു. അറബ്​ ​െഎക്യത്തിനും അഖണ്ഡതക്കും തുരങ്കം വെക്കുന്ന തരത്തിലുള്ള ചില മാധ്യമങ്ങളുടെ സമീപനത്തിനെതിരെ ജാഗ്രത വേണമെന്നും നിർദേശിച്ചു.