റിയാദിൽ കെട്ടിടം തകർന്ന്​ വീണ്​ രണ്ടുതൊഴിലാളികൾ മരിച്ചു

റിയാദ്​: റിയാദിൽ ഉപയോഗശൂന്യമായ കെട്ടിടം തകർന്നുവീണ്​ രണ്ടു തൊഴിലാളികൾ മരിച്ചു. ശുമൈസി കിങ്​ സൗദ്​ മെഡിക്കൽ സിറ്റി വളപ്പിലെ കെട്ടിടം ​പാളിച്ചുമാറ്റുന്നതിനിടെയാണ്​ അപകടമുണ്ടായത്​. മരിച്ചവർ വിദേശ തൊഴിലാളികളാണ്​. ഇവർ ഏതുനാട്ടുകാരാണെന്ന്​ വ്യക്​തമായിട്ടില്ല. ദീർഘകാലമായി ഉപയോഗശൂന്യമായി കിടന്ന കെട്ടിടം പൊളിച്ചുമാറ്റുന്നതിനിടെയാണ്​ ഒരുഭാഗം തകർന്നുവീണത്​. ജോലിയിൽ ഏർപ്പെട്ടിരുന്ന നാലുതൊഴിലാളികൾ ഇതിനടിയിലായി. സിവിൽ ഡിഫൻസി​​​െൻറ പ്രത്യേക വിഭാഗം രംഗത്തെത്തി ഇവരെ പുറത്തെടുത്തെങ്കിലും രണ്ടുപേർ അപ്പോഴേക്കും മരിച്ചിരുന്നു. ഗുരുതരമായി പരിക്കേറ്റ രണ്ടു​പേരെ ആശുപത്രിയിൽ പ്രവേശിപ്പിച്ചു.