റിയാദ്​, ജിദ്ദ, ദമ്മാം എന്നിവിടങ്ങളിൽനിന്ന്​ കേരളത്തിലേക്ക്​ വിമാനങ്ങൾ പുറപ്പെട്ടു

റിയാദ്​: വന്ദേഭാരത്​ മിഷൻ മുന്നാം ഘട്ടത്തിലെ ആദ്യ വിമാനങ്ങൾ ഇന്ത്യയിലേക്ക്​ സൗദി അറേബ്യയിലെ മൂന്ന്​ പ്രധാന കേന്ദ്രങ്ങളിൽ നിന്ന്​ ബുധനാഴ്​ച പുറപ്പെട്ടു. റിയാദിൽ  നിന്ന്​ കോഴിക്കോട്​, ഡൽഹി എന്നിവിടങ്ങളിലേക്കാണ്​ എയർ ഇന്ത്യയുടെ വിമാനങ്ങൾ തിരിച്ചത്​. റിയാദ്​ കിങ്​ ഖാലിദ്​ രാജ്യാന്തര വിമാനത്താവളത്തിൽ നിന്ന് 160  യാത്രക്കാരെയും വഹിച്ച്​ കോഴിക്കോ​േട്ടക്കുള്ള എ.​െഎ 1954 വിമാനം​ രാവിലെ 11.35നാണ്​ പറന്നുയർന്നത്​.

147 മുതിർന്നവരും 13 കുട്ടികളുമാണ്​ യാത്രക്കാരായുള്ളത്​. വിദൂര  ഭാഗങ്ങളിൽ നിന്നെത്തിയതും റിയാദ്​ നഗരത്തിലുള്ളതുമായ യാത്രക്കാരിൽ കുടുംബങ്ങളും ഏറെയുണ്ട്​. സന്ദർശന വിസയിലുള്ളവരും ജോലി നഷ്​ടപ്പെട്ടവരും എക്​സിറ്റ്​  വിസയിലുള്ളവരും പ്രായമുള്ളവരുമെല്ലാം ഇക്കൂട്ടത്തിലുണ്ട്​. രാവിലെ മുതൽ തന്നെ ആളുകൾ വിമാനത്താവളത്തിലെത്തി. റിയാദ്​ കെ.എം.സി.സി സെൻട്രൽ കമ്മിറ്റിയുടെ  നേതൃത്വത്തിൽ യാത്രക്കാരായ കുടുംബങ്ങൾക്ക്​ ഫേസ്​മാസ്​കും ഗ്ലൗസും സേഫ്​റ്റി ഡ്രസും അടങ്ങിയ പി.പി കിറ്റുകൾ സമ്മാനിച്ചു. ദമ്മാമിൽ നിന്ന്​ 12 കുട്ടികളുൾപ്പെടെ 332  യാത്രക്കാരെയും വഹിച്ചാണ്​ എ.​െഎ 1930 വിമാനം കണ്ണൂരിലേക്ക്​ പുറപ്പെട്ടത്​. ഇരു വിമാനങ്ങളും വൈകീ​േട്ടാടെ കണ്ണൂരിലും കോഴിക്കോ​ട്ടുമെത്തി.

ജിദ്ദയിൽ നിന്നും കൊച്ചിയിലേക്ക് പോയത്​ ജംബോ വിമാനം

ജിദ്ദ: ബുധനാഴ്​ച ജിദ്ദയിൽ നിന്നും കൊച്ചിയിലേക്ക്​ എയർ ഇന്ത്യയുടെ ജംബോ വിമാനമാണ്​ പുറപ്പെട്ടത്​. എ.​െഎ -0964 നമ്പർ വിമാനത്തിൽ 415 പേരാണ് യാത്രക്കാരായി  ഉണ്ടായിരുന്നത്. ഇവരിൽ 17 കൈകുഞ്ഞുങ്ങളും 116 ഗർഭിണികളും 76 അടിയന്തിര ചികിത്സ ആവശ്യമുള്ളവരും 40 പേർ ജോലി നഷ്​ടപ്പെട്ട് ദുരിതത്തിലായവരും 112 പേർ  ഫൈനൽ എക്സിറ്റിലുള്ളവരുമാണ്​. 

രാവിലെ 11.05ന് പുറപ്പെട്ട വിമാനം പ്രാദേശിക സമയം വൈകീട്ട്​ 6.55ന് കൊച്ചിയിലെത്തി. യാത്രക്കാരെ സഹായിക്കാനായി ജിദ്ദ ഇന്ത്യൻ  കോൺസുലേറ്റ് ഉദ്യോഗസ്ഥരും മറ്റു സന്നദ്ധ സംഘടനാ പ്രവർത്തകരും ജിദ്ദ വിമാനത്താവളത്തിലുണ്ടായിരുന്നു. വ്യാഴാഴ്​ച ജിദ്ദയിൽ നിന്നും കോഴിക്കോട്ടേക്ക് സർവിസുണ്ട്.  149 പേർക്കാണ് അവസരം. ഈ വിമാനത്തിലേക്കുള്ള ടിക്കറ്റ് വിൽപ്പന പൂർത്തിയായിട്ടുണ്ട്. ഉച്ചക്ക് 1.25ന് ജിദ്ദയിൽ നിന്നും പുറപ്പെടുന്ന വിമാനം രാത്രി 9.15ന്  കോഴിക്കോട്ടെത്തും.