​ലഗേജ്​ അധികമായി; മലയാളിയുടെ യാത്ര മുടങ്ങി

റിയാദ്​: ലഗേജ്​ അധികമായതിനാൽ മലയാളിയുടെ യാത്ര മുടങ്ങി. അധികമായ അഞ്ച്​ കിലോ ഒഴിവാക്കി ലഗേജ്​ റീപായ്​ക്ക്​ ചെയ്യാൻ നിന്ന മുവാറ്റുപുഴ സ്വദേശി ഷമീർ അബ്​ദുറഹ്​മാനാണ്​ വിമാനം നഷ്​ടമായത്​. തിങ്കളാഴ്​ച വൈകീട്ട്​ നാലിന്​ റിയാദിൽ നിന്ന്​ കൊച്ചിയിലേക്ക്​ പോകുന്ന ഗൾഫ്​ എയർ വിമാനത്തിലേക്കാണ്​ ഷമീർ ടിക്കറ്റെടുത്തത്​. ഉച്ചക്ക്​ 1.30ക്ക്​ മുമ്പ്​ തന്നെ റിയാദ്​ വിമാനത്താവളത്തിലെത്തി. പെരുന്നാൾ സീസണായതിനാൽ നല്ല തിരക്കായിരുന്നു. ഏറെ നേരം ക്യൂവിൽ നിന്ന ശേഷമാണ്​ ലഗേജ്​ ചെക്കിൻ കൗണ്ടറിലെത്താനായത്​.

അനുവദിക്കപ്പെട്ടതിനെക്കാൾ അധികം കാണിച്ച അഞ്ച്​ കിലോ ലഗേജിന്​ 650 റിയാൽ അടയ്​ക്കാൻ കൗണ്ടറിൽ നിന്ന്​ ആവശ്യപ്പെട്ടു. അത്രയും പണം കൈവശമില്ലാത്തതിനാൽ അതൊഴിവാക്കി ലഗേജ്​ റീപായ്​ക്ക്​ ചെയ്യാൻ നിർദേശിക്കപ്പെട്ടു. ബോർഡിങ്​ പാസ്​ ലഭിച്ചെങ്കിലും പായ്​ക്കിങ്​ കൗണ്ടറിലെ തിരക്ക്​ കാരണം റീപായ്​ക്കിങ്​ വൈകി. അതിനിടയിൽ വിമാനത്തിലെ ജീവനക്കാരിലാരോ ഷമീറി​​െൻറ ഫോണിൽ വിളിച്ചു. വിമാനം പുറപ്പെടാറായെന്നും എത്രയും പെ​െട്ടന്ന്​ എത്തണമെന്നും ആവശ്യപ്പെട്ടു.

ഒടുവിൽ ഷമീറിനെ കൂടാതെ വിമാനം പറന്നു. എന്തുചെയ്യണമെന്നറിയാതെ നിന്ന ഷമീറിനെ ആറ്​ മണിക്കുള്ള തിരുവനന്തപുരം വിമാനത്തിൽ കയറ്റിവിടാമെന്ന്​ ഉദ്യോഗ്​സ്ഥൻ ആദ്യം ആശ്വസിപ്പിച്ചെങ്കിലും സീറ്റൊഴിവില്ലെന്ന്​ പറഞ്ഞ്​ പിന്നീട്​ ഒഴിഞ്ഞുമാറി. ഇനി യാത്ര ചെയ്യണമെങ്കിൽ ടിക്കറ്റ്​ റീകൺഫേം ചെയ്യണമെന്നും പറഞ്ഞത്രെ. ബോർഡിങ്​ പാസ്​ ഉദ്യോഗസ്​ഥൻ തിരിച്ചുവാങ്ങിയെന്നും ഷമീർ പറഞ്ഞു. ഡ്യൂട്ടി സമയം കഴിഞ്ഞ്​ ഉദ്യോഗസ്​ഥൻ പോകുകയും ചെയ്​തു. അനിശ്ചിതത്വത്തിലായ ഷമീർ വിമാനത്താവളത്തിൽ തന്നെ നിൽക്കുകയാണ്​. റിയാദിലെ സ്വകാര്യ കമ്പനിയിൽ സെയിൽസ്​മാനായ യുവാവിന്​​ ആകെ 45 ദിവസത്തെ അവധിയാണുള്ളത്​.