റി​മാ​ൽ ‘സാ​ന്ത്വ​ന സം​ഗ​മം 2025’ നാ​ളെ

റി​യാ​ദ്​: റി​യാ​ദി​ലെ മ​ല​പ്പു​റ​ത്തു​കാ​രു​ടെ കൂ​ട്ടാ​യ്മ​യാ​യ റി​മാ​ൽ സൊ​സൈ​റ്റി സം​ഘ​ടി​പ്പി​ക്കു​ന്ന ‘സാ​ന്ത്വ​ന സം​ഗ​മം 2025’നു​ള്ള ഒ​രു​ക്കം പൂ​ർ​ത്തി​യാ​യി.

മ​ല​പ്പു​റം എം.​എ​സ്.​എം ഓ​ഡി​റ്റോ​റി​യ​ത്തി​ൽ ജ​നു​വ​രി 12ന് ​രാ​വി​ലെ 9.30ന് ​ആ​രം​ഭി​ക്കു​ന്ന സം​ഗ​മ​ത്തി​ൽ മ​ല​പ്പു​റം ന​ഗ​ര​പ​രി​ധി​യി​ലും സ​മീ​പ പ്ര​ദേ​ശ​ങ്ങ​ളി​ലു​മു​ള്ള ശാ​രീ​രി​ക വെ​ല്ലു​വി​ളി​ക​ൾ നേ​രി​ടു​ന്ന​വ​രും കി​ട​പ്പു​രോ​ഗി​ക​ളു​മാ​യ നൂ​റോ​ളം പേ​ര് ര​ജി​സ്​​റ്റ​ർ ചെ​യ്തി​ട്ടു​ണ്ട്. കു​ട്ടി​ക​ളു​ടെ ക​ലാ​വി​രു​ന്നു​ക​ളോ​ടെ തു​ട​ക്ക​മാ​വു​ന്ന സം​ഗ​മ​ത്തി​ൽ മ​ജീ​ഷ്യ​ൻ ഷം​സു പാ​ണാ​യി​യു​ടെ മാ​ജി​ക് ഷോ​യും ഉ​ണ്ടാ​യി​രി​ക്കും.

മ​ല​പ്പു​റം ജി​ല്ല ക​ല​ക്ട​ര്‍ ഉ​ൾ​പ്പെ​ടെ വി​വി​ധ മേ​ഖ​ല​ക​ളി​ലെ പ്ര​മു​ഖ വ്യ​ക്തി​ക​ൾ പ​ങ്കെ​ടു​ക്കു​ന്ന ‘ഒ​പ്പം’ സെ​ഷ​നു​ശേ​ഷം ഉ​ച്ച​ക്ക് ശേ​ഷം കു​ട്ടി​ക​ളു​ടെ ക​ലാ​പ​രി​പാ​ടി​ക​ൾ തു​ട​രും. കൂ​ടാ​തെ പ​ര​മ്പ​രാ​ഗ​ത നാ​ട​ൻ​പാ​ട്ടു​ക​ളും മാ​പ്പി​ള​പ്പാ​ട്ടു​ക​ളു​മാ​യി മ​ല​പ്പു​റം ഇ​ശ​ൽ​ക്കൂ​ട്ടം ഒ​രു​ക്കു​ന്ന സം​ഗീ​ത​വി​രു​ന്നും അ​ര​ങ്ങേ​റും. മ​ല​പ്പു​റം ന​ഗ​ര​സ​ഭ, സ​മീ​പ പ്ര​ദേ​ശ​ങ്ങ​ളാ​യ 10 പ​ഞ്ചാ​യ​ത്തു​ക​ൾ എ​ന്നി​വ​യു​ടെ പ​രി​ധി​യി​ൽ​നി​ന്ന്​ റി​യാ​ദി​ലു​ള്ള പ്ര​വാ​സി​ക​ളു​ടെ​യും മു​ൻ പ്ര​വാ​സി​ക​ളു​ടെ​യും കൂ​ട്ടാ​യ്മ​യാ​ണ് റി​മാ​ൽ സൊ​സൈ​റ്റി.

ശാ​രീ​രി​ക വെ​ല്ലു​വി​ളി​ക​ൾ മൂ​ലം നാ​ലു ചു​മ​രു​ക​ൾ​ക്കു​ള്ളി​ല്‍ ത​ള​ച്ചി​ട​പ്പെ​ട്ട​വ​രു​ടെ ഒ​റ്റ​പ്പെ​ട​ലും അ​ക​ൽ​ച്ച​യും ഒ​രു ദി​വ​സ​ത്തേ​ക്കെ​ങ്കി​ലും മാ​റ്റി​നി​ർ​ത്താ​നും നി​ല​വി​ലെ പ​രി​മി​തി​ക​ൾ​ക്കു​ള്ളി​ൽ നി​ന്ന് അ​തി​ജീ​വ​നം, സ്വ​യം​തൊ​ഴി​ൽ സാ​ധ്യ​ത​ക​ൾ എ​ന്നി​വ​യി​ല്‍ ആ​ത്മ​വി​ശ്വാ​സം വ​ള​ർ​ത്തി​യെ​ടു​ക്കാ​നും മാ​ന​സി​ക ഉ​ല്ലാ​സം പ​ക​രാ​നും ഉ​ദ്ദേ​ശി​ച്ചാ​ണ്​ സം​ഗ​മം സം​ഘ​ടി​പ്പി​ക്കു​ന്ന​തെ​ന്ന്​ റി​മാ​ൽ ഭാ​ര​വാ​ഹി​ക​ൾ പ​റ​ഞ്ഞു.