‘റി​ഫ’ പെ​ലെ അ​നു​ശോ​ച​ന യോ​ഗം സം​ഘ​ടി​പ്പി​ച്ചു

റി​യാ​ദ്: റി​യാ​ദ് ഇ​ന്ത്യ​ൻ ഫു​ട്ബാ​ൾ അ​സോ​സി​യേ​ഷ​ൻ (റി​ഫ) ഫു​ട്ബാ​ൾ രാ​ജാ​വ് പെ​ലെ​യു​ടെ നി​ര്യാ​ണ​ത്തി​ൽ അ​നു​ശോ​ച​ന യോ​ഗം ചേ​ർ​ന്നു. ബ​ത്​​ഹ​യി​ലെ ലു​ഹ മാ​ർ​ട്ട് ഓ​ഡി​റ്റോ​റി​യ​ത്തി​ൽ ന​ട​ന്ന യോ​ഗ​ത്തി​ൽ റി​ഫ പ്ര​സി​ഡ​ൻ​റ്​ ബ​ഷീ​ർ ചേ​ലേ​മ്പ്ര അ​ധ്യ​ക്ഷ​ത വ​ഹി​ച്ചു.

ഒ​രു ദ​രി​ദ്ര ബ്ര​സീ​ലി​യ​ൻ കു​ടും​ബ​ത്തി​ൽ​നി​ന്ന്, ഷൂ ​വൃ​ത്തി​യാ​ക്കു​ന്ന പ​യ്യ​നി​ൽ​നി​ന്ന് ലോ​കം ജ​യി​ച്ച, അ​ന്താ​രാ​ഷ്‌​ട്ര സൂ​പ്പ​ർ​സ്​​റ്റാ​റി​ലേ​ക്കു​ള്ള പെ​ലെ​യു​ടെ വ​ര​വ് ഫു​ട്‌​ബാ​ളി​ന്റെ സാ​മൂ​ഹി​ക സ്വാ​ധീ​ന​ത്തി​​ന്റെ​യും വി​മോ​ച​ന സ്വ​പ്‍ന​ങ്ങ​ളു​ടെ​യും തെ​ളി​വാ​യി മാ​റു​ക​യാ​യി​രു​ന്നു എ​ന്ന്​ പ്ര​സം​ഗ​ക​ർ അ​ഭി​പ്രാ​യ​പ്പെ​ട്ടു.

ബ്ര​സീ​ൽ നേ​ടി​യ അ​ഞ്ച് ലോ​ക​ക​പ്പു​ക​ളി​ൽ മൂ​ന്നി​ലും ആ ​ക​റു​ത്ത മു​ത്തി​​ന്റെ ക​ഠി​ന​മാ​യ റോ​ൾ ഉ​ണ്ടാ​യി​രു​ന്നു. കൃ​ത്യ​ത​യാ​ര്‍ന്ന പാ​സി​ങ്, ഡ്രി​ബി​ളി​ങ്, തോ​ള്‍ ഉ​പ​യോ​ഗി​ച്ച് ഡി​ഫ​ന്‍ഡ​ര്‍മാ​രെ മ​റി​ക​ട​ക്കു​ക, പെ​ട്ടെ​ന്നു​ള്ള വേ​ഗ​വ്യ​തി​യാ​ന​ങ്ങ​ള്‍ എ​ന്നി​വ​യെ​ല്ലാം പെ​ലെ ചെ​റു​പ്പ​ത്തി​ല്‍ത​ന്നെ അ​ഭ്യ​സി​ച്ചി​രു​ന്നെ​ന്നും ഒ​രു ഇ​തി​ഹാ​സ നാ​യ​ക​നി​ലേ​ക്കു​ള്ള തു​ട​ക്ക​മാ​യി​രു​ന്നു അ​തെ​ന്നും അ​വ​ർ കൂ​ട്ടി​ച്ചേ​ർ​ത്തു. റി​ഫ സെ​ക്ര​ട്ടേ​റി​യ​റ്റ് അം​ഗ​ങ്ങ​ളാ​യ ബ​ഷീ​ർ കാ​ര​ന്തൂ​ർ, കു​ട്ട​ൻ ബാ​ബു മ​ഞ്ചേ​രി, ക​രീം പ​യ്യ​നാ​ട്, ഹ​സ്സ​ൻ പു​ന്ന​യൂ​ർ, നൗ​ഷാ​ദ് ച​ക്കാ​ല, ന​സ​ർ മാ​വൂ​ർ, ഫൈ​സ​ൽ പാ​ഴൂ​ർ എ​ന്നി​വ​ർ സം​സാ​രി​ച്ചു. സെ​ക്ര​ട്ട​റി സൈ​ഫു ക​രു​ളാ​യി സ്വാ​ഗ​ത​വും മീ​ഡി​യ മെം​ബ​ർ അ​ഷ്‌​റ​ഫ് ന​ന്ദി​യും പ​റ​ഞ്ഞു.