റീം അൽബയ്യാത്​ കാത്തിരുന്ന  ദിനങ്ങൾ...

റിയാദ്​: പരിമിതികളു​െട വീർപ്പു​മുട്ടലിൽ നിന്ന്​ സ്വയം മോചിതയായി കലയുടെ വിശാലലോകത്ത്​ ജീവിതം മാറ്റി വരച്ച സൗദിയിലെ ചലച്ചിത്രകാരിയാണ്​  റീം അൽബയ്യാത്​​. കഴിഞ്ഞ വർഷം ഇതേ മാർച്ച്​ മാസത്തിൽ ഏതാണ്ടിതേ ദിവസം പ്രമുഖ അറബ്​ മാധ്യമത്തോട്​  സംസാരിക്കുന്നതിനിടെ  അവൾ പറഞ്ഞു. സമാധാനം നിറഞ്ഞ അറബ്​ ലോകവും എന്നും ഒാർമിക്കപ്പെടുന്ന സിനിമകളുമാണ്​  ത​​​െൻറ അഭിലാഷമെന്ന്​. സൗദി അറേബ്യയിൽ സമ്പന്നമായ ചലച്ചിത്രകാലം   വരുമെന്നും അവർ ശുഭാപതി പ്രകടിപ്പിച്ചു. സിനിമയുടെ കാര്യത്തിൽ ഇൗ സൗദി ചലച്ചിത്രപ്രതിഭക്ക്​ സന്തോഷിക്കാവുന്ന ദിനങ്ങളാണ്​ കടന്നു വന്നിരിക്കുന്നത്​. സൗദി പെൺകുട്ടികൾ സിനിമയെ കുറിച്ച്​ പഠിക്കാനും വെള്ളിത്തിരയുടെ അപാരതകളെ നെഞ്ചിലേറ്റാനും രംഗത്ത്​ വന്നിരിക്കുന്നു. 

ഏഴാം വയസ്സിൽ കാമറ കൈയിലെടുത്ത റീം അൽബയ്യാത്​​ എന്ന 36 കാരിക്ക്​ ​ ഇത്​ ഒരുപക്ഷെ കാത്തിരുന്ന ദിനങ്ങളാവാം. ചലച്ചിത്ര സംവിധായിക, നിർമാതാവ്​, ഫോ​േട്ടാഗ്രാഫർ, ഫാഷൻ ഡിസൈനർ,  ചിത്രകാരി, തിരക്കഥാകാരി എന്നീ നിലകളിലെല്ലാം ശദ്ധേയ. അമ്മ എന്ന പദവിയുടെ മാന്ത്രികതയെ മനസ്സിലാക്കി ആസ്വദിക്കുന്നവൾ. പിയാനേയിലും സംഗീതാലാപനത്തിലും, നൃത്തത്തിലും വായനയിലും പാചകത്തിലും  ആനന്ദം കണ്ടെത്തുന്നവൾ.  സൗദി അറേബ്യയിലെ ആദ്യസിനിമ സംവിധായിക  ഹയ്​ഫാ അൽ മൻസൂറി​​​െൻറ പിൻമുറക്കാരി. 2107^ലെ മാഡ്രിഡ്​ ഫിലിം ഫെസ്​റ്റിവലിൽ ബെസ്​റ്റ്​ ഡയറക്​ടർ അവാർഡ്​ ജേതാവ്​. ‘വേക്​ മി അപ്​ ’ എന്ന സിനിമയാണ്​ അൽബയ്യാതിനെ വിദേശ ഹ്രസ്വ സിനിമാ വിഭാഗത്തിൽ അവാർഡിന്​ അർഹയാക്കിയത്​.

പെണ്ണി​​​െൻറ നിസ്സഹായതകളും കലയിലൂടെ അവൾ തീർക്കുന്ന സ്വാതന്ത്ര്യവും പ്രമേയമാക്കുന്നതാണ്​ ‘വേക്​ മി അപ്’. അൽ ബയ്യാതി​​​െൻറ ഡോൾ, ഷേഡോ എന്നീ സിനിമകൾ മസ്​കത്ത്​,ദുബൈ, മുംബൈ, അബൂദബി, പാരീസ്​ എന്നിവിടങ്ങളിൽ നടന്ന അന്താരാഷ്​ട്ര ചലച്ചിത്രവേദികളിൽ ശ്രദ്ധേയമായിരുന്നു. 2005^ൽ യു കെ.യിൽ പഠിക്കാൻപോയതാണ്​ സൗദി അറേബ്യയിലെ കിഴക്കൻ പ്രവിശ്യയിൽപെട്ട കത്വീഫു കാരിക്ക്​ കലാജീവിതത്തിൽ വഴിത്തിരവായത്​. ബോൻമൗത്ത്​ യൂണിവേഴ്​സിറ്റി ആർട്​സ്​ ഇൻസ്​റ്റിറ്റ്യുട്ടിലായിരുന്നു പഠനം. സൗദിയിലെ കലാകാരൻമാർക്ക്​ ഒരുപാട്​ സാധ്യതകളുണ്ട്​.

സ്​ത്രീയായയാലും പുരുഷനായാലും. അവരുടെ കൂ​െടയുള്ള സിനിമാജീവിതം തൃപ്​തികരമാണ്​. ഒരു വനിതാ ചലച്ചിത്രകാരി എന്ന നിലയിൽ വലിയ ഉത്തരവാദിത്തമാണ്​ തന്നിലർപിതമായിരിക്കുന്നത്​ എന്ന്​ വിശ്വസിക്കുന്നയാളാണ്​ അൽ ബയ്യാത്​​. അവളുടെ സ്വപ്​നങ്ങളെയും പേടിസ്വപ്​നങ്ങളെയും അതിജയിക്കേണ്ടതുണ്ട്​. സിനിമ നൽകുന്ന സന്ദേശങ്ങളെ കുറിച്ചൊന്നും ചിന്തിക്കാറില്ല. വരും വരായ്​കകളെകുറിച്ചാലോചിച്ചല്ല ഇൗ ചലച്ചിത്രകാരി സിനിമയുടെ രൂപകൽപനകളിൽ സന്തോഷം കണ്ടെത്തുന്നത്​.