റസാഖ് എടവനക്കാടിന് യാത്രയയപ്പ് നൽകി

ജിദ്ദ: 32 വർഷത്തെ പ്രവാസം കഴിഞ്ഞ്​ നാട്ടിലേക്ക് തിരിക്കുന്ന റസാഖ് എടവനക്കാടിന് തനിമ അനാക്കിഷ് ഏരിയ യാത്രയയപ്പ് നൽകി.
അൽരാജ്ഹി ബാങ്കി​​െൻറ മാക്രോണ ശാഖയിലെ ഹെഡ്കാഷ്യർ സ്ഥാനത്ത് നിന്ന് വിരമിക്കുന്ന റസാഖ് തനിമ സാംസ്കാരികവേദി പ്രവർത്തകൻ, സേവ ജീവകാരുണ്യ കൂട്ടായ്മയുടെ സെക്രട്ടറി, സാഹിത്യകാരൻ എന്നീ നിലകളിൽ പ്രശസ്തനാണ്.
ആബിദ് ഹുസൈൻ അധ്യക്ഷത വഹിച്ച പരിപാടിയിൽ തനിമ ജിദ്ദ നോർത്ത് സോൺ രക്ഷാധികാരി സി.എച്ച് ബഷീർ മുഖ്യാതിഥിയായിരിന്നു. ഉസ്മാൻ പാണ്ടിക്കാട്, കെ. കെ. മുഹമ്മദ്, ഫസൽ കൊച്ചി, റഷീദ് ജെ.എൻ.എച്ച്​, ഷാഫി കോഴിക്കോട്, നാസർ വേങ്ങര എന്നിവർ ആശംസ നേർന്നു. ഹമീദ് ശിവപുരം ഖിറാഅത്തും കരീം വാഴക്കാട് സ്വാഗതവും നടത്തിയ പരിപാടിയിൽ യൂസുഫ് ഒലിപ്പുഴ നന്ദി രേഖപ്പെടുത്തി.