ആദ്യം നല്ല മനുഷ്യനാവണം, പിന്നെ വിശ്വാസിയാവണം ^റാഷിദ്​ ഗസ്സാലി

ജിദ്ദ: സൈന്‍ ജിദ്ദ ചാപ്റ്ററും ജിദ്ദ പൗരാവലിയും സംഘടിപ്പിച്ച റാഷിദ്​ ഗസ്സാലിയുടെ മൂന്ന്​ ദിവസ​ത്തെ റമദാൻ പ്രഭാഷണം സമാപിച്ചു. മാനവികത നഷ്​ടപ്പെട്ട മതബോധമാണ് പുതിയ കാലത്തെ ദുരന്തമെന്ന് അദ്ദേഹം അഭിപ്രായപ്പെട്ടു. 
വിശ്വാസികളാകാന്‍ എളുപ്പമാണ്. പക്ഷേ, മനുഷ്യനാകാന്‍ പ്രയാസമാണ്. വിശ്വാസവും മാനവികതയും ഒന്നിച്ച് കൊണ്ടു പോകുമ്പോഴാണ് മനുഷ്യന്‍ ആ പേരിന് അര്‍ഹനാകുന്നത്. 40 വയസ്സു വരെയുള്ള പ്രവാചക​​​െൻറ കാലം മാനവികതയെ ഉയര്‍ത്തിപ്പിടിക്കുന്നതായിരുന്നു. എങ്ങനെ ഒരു നല്ല മനുഷ്യനാകാം എന്ന് കാണിച്ചു തന്നാണ്​ എങ്ങനെ വിശ്വാസിയാകാം എന്ന് പ്രവാചകന്‍ പഠിപ്പിച്ചത്. മൃഗീയത, പൈശാചികത എന്നിവയെ അതിജയിച്ച് മാനവികത ജീവിതത്തി​​​െൻറ ഭാഗമാകണം. മുസ്​ലീം വിരുദ്ധമായ ഒരു നവലോക ക്രമം രൂപപ്പെടുത്താനാണ് പാശ്ചാത്യര്‍ ശ്രമിക്കുന്നത്. ഇപ്പോഴുള്ളതെല്ലാം ഇല്ലാതാക്കി ഏകധ്രുവമായ ഒരു ലോകം  എന്നതായിരിക്കും അവര്‍ നിര്‍ദേശിക്കുന്ന പരിഹാരം. ആഗോള സാഹോദര്യത്തെക്കുറിച്ച് പറയുന്ന മതത്തി​​​​െൻറ അനുയായികള്‍ മതത്തിനകത്തെ സാഹോദര്യത്തിന് തുരങ്കം വെക്കുന്നത് അവസാനിപ്പിക്കണം. അഭിപ്രായ വ്യത്യാസങ്ങള്‍ നിലനിര്‍ത്തിക്കൊണ്ട് തന്നെ മുസ്​ലീംകൾ മനുഷ്യന്‍ എന്ന നിലയിലുള്ള സാഹോദര്യ ബന്ധം പരസ്പരം ഉയര്‍ത്തിപ്പിടിക്കണം.  അബ്ബാസ് ചെമ്പന്‍, ജഅ്ഫര്‍ വാഫി, കെ. ടി. അബൂബക്കര്‍, മമ്മുട്ടി ഹാജി വയനാട്,  തിരൂര്‍ ബ്ലോക്ക് പഞ്ചായത്ത് മുന്‍ പ്രസിഡൻറ്​ അബ്​ദുല്ലക്കുട്ടി, അബ്​ദുറഹ്​മാന്‍ കാവുങ്ങല്‍, ഇബ്രാഹിം ഷംനാട്,  എന്നിവര്‍ സംസാരിച്ചു. സി.ടി ശിഹാബ്, ജലീല്‍ കണ്ണമംഗലം, ഉമ്മര്‍കോയ കൊണ്ടോട്ടി, നസീം കാടപ്പടി, റിയാസ് മഞ്ചേരി, ഹനീഫ പാണ്ടികശാല, അബ്ബാസ് മുസ്​ലിയരങ്ങാടി, ഉമ്മര്‍കുട്ടി അരീക്കോട്, യൂസഫ് ഹാജി, മാനു പെരിന്തല്‍മണ്ണ, ഷാജി പൂക്കാട് എന്നിവര്‍ നേതൃത്വം നല്‍കി. ഷംസുദ്ദീന്‍ കാവുംപടി ഖിറാഅത്ത് നടത്തി. വി.പി ഹിഫ്‌സുറഹ്​മാന്‍ സ്വാഗതവും നിസാം മമ്പാട് നന്ദിയും പറഞ്ഞു. രണ്ടാം ദിവസത്തെ പ്രഭാഷണം  അബ്​ദുറഹ്​മാന്‍ ഉമരി ഉദ്​ഘാടനം ചെയ്തു.