ദിലീപ്​ വിഷയത്തിൽ സർക്കാറിന്​ നിക്ഷിപ്​ത താൽപര്യമുണ്ട്​ -രാജ്​മോഹൻ ഉണ്ണിത്താൻ

റിയാദ്​: ദിലീപ്​ വിഷയത്തിൽ ഇടത്​ സർക്കാറിന്​ നിക്ഷിപ്​ത താൽപര്യമുണ്ടെന്നും പൊലീസ്​ അന്വേഷണം ശരിയായ ദിശയിലാണെങ്കിലും അന്തിമഫലം അതുപോലെയാവുമെന്ന്​ പറയാനാവില്ലെന്നും കെ.പി.സി.സി വക്താവ്​ രാജ്​മോഹൻ ഉണ്ണിത്താൻ. റിയാദിൽ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. ഒാപ്പറേഷൻ സക്​സസ്​, എന്നാൽ രോഗി മരിച്ചു എന്ന്​ ഡോക്​ടർ അവസാനം പറയുന്നതുപോലൊരു അന്തിമ ഫലമാണോ​ നടിയെ അക്രമിച്ച കേസി​നുണ്ടാവുക എന്ന ആശങ്കയില്ലാതില്ലെന്നും അദ്ദേഹം വ്യക്തമാക്കി.

143 ദിവസമെടുത്ത പൊലീസ്​ അന്വേഷണം കേസിനെ ശക്തമായി മുന്നോട്ടുകൊണ്ടുപോകാൻ കഴിയും വിധമുള്ള തെളിവുകൾ ശേഖരിച്ച്​ തന്നെയാണ്​ തുടർ നടപടികളുമായി മുന്നോട്ടുപോകുന്നതെന്ന കാര്യത്തിൽ സംശയമില്ല. അതി​​​െൻറ അടിസ്​ഥാനത്തിൽ തന്നെയാണ്​ അറസ്​റ്റ്​ നടന്നിരിക്കുന്നതും. പൊലീസിൽ വിശ്വാസമുണ്ട്​. അതേ വിശ്വാസം സർക്കാറി​​​െൻറ കാര്യത്തിലില്ല. ഗൂഢാലോചനയില്ലെന്നും പൾസർ സുനിയുടെ ഭാവനയാണെന്നും ആദ്യമേ തന്നെ പറഞ്ഞുകളഞ്ഞയാളാണ്​ മുഖ്യമന്ത്രി പിണറായി വിജയൻ. അന്ന്​ ആലുവ പൊലീസ്​ ക്ലബിൽ നിന്ന്​ ദിലീപിനെ രക്ഷപ്പെടുത്താൻ തിരുവനന്തപുരത്ത്​ നിന്നെത്തിയ വിളിക്ക്​ പിന്നിലുള്ള ആ ആളാരാണ്​? ഡി.ജി.പിയെ വിളിച്ച്​ അറസ്​റ്റ്​ തടഞ്ഞത്​ മുഖ്യമന്ത്രിയാണ്​. മുഖ്യമന്ത്രിയെ വിളിച്ച്​ അതിന്​ പ്രേരിപ്പിച്ചത്​ ആരാണ്​? എല്ലാവർക്കുമറിയാം. എന്നാൽ ആരും പേര്​ പറയില്ല. ധാർമിക പ്രതിസന്ധിയുടെ കാലത്ത്​ നിഷ്‌പക്ഷതയുടെ ഉദാസീന ഭാവം പുലർത്തുന്നവർക്കുള്ളതാണ്​ നരകത്തിലെ തമോ ഗർത്തങ്ങളെന്ന്​​ ഡാ​​​െൻറ പറഞ്ഞിട്ടുണ്ട്​. നടി അക്രമിക്ക​െപ്പട്ട സംഭവത്തിലും ഇതുപോലെ ഇടത്തും വലത്തുമിരുന്ന്​ നിശബ്​ദത പാലിച്ചവർ ഡാ​​​െൻറയുടെ വാക്കുകളെ ഒാർമിപ്പിച്ചു. 

പിണറായി സർക്കാർ അന്യായം പ്രവർത്തിച്ചപ്പോൾ ടി.പി സെൻകുമാറിനെ കോൺഗ്രസ്​ അടക്കമുള്ള പ്രതിപക്ഷം പിന്തുണച്ചിട്ടുണ്ട്​. അത്​ വിഷയാധിഷ്​ടത പിന്തുണയാണ്​. എന്നാൽ സെൻകുമാറി​​​െൻറ എല്ലാ വിവരക്കേടുകളെയും അംഗീകരിച്ചുകൊടുക്കാനാവില്ല. മതസ്​പർധ വളർത്തുന്ന പരാമർശങ്ങളുടെ പേരിൽ കേസ്​ എടുത്തതിനെ അംഗീകരിക്കുന്നു. ഇന്ത്യയുടെ ജനാധിപത്യത്തിനും മതേതരത്വത്തിനും എതിരാണ്​ സെൻകുമാറി​​​െൻറ പ്രസ്​താവന. എന്നാൽ കേസ്​ ശരിയായി മുന്നോട്ടുപോകുമെന്ന്​ തോന്നുന്നില്ല. പൾസർ സുനിയുമായി അടുത്ത ബന്ധമുള്ള മുകേഷിനെ ചോദ്യം ചെയ്യണമെന്നും ഉണ്ണിത്താൻ ആവശ്യപ്പെട്ടു. വാർത്താസമ്മേളനത്തിൽ റിയാദ്​ ഒ.​െഎ.സി.സി കണ്ണൂർ ജില്ലാകമ്മിറ്റി ഭാരവാഹികളായ അസ്​ക കണ്ണൂർ, ഷാജി പാനൂർ, ഹാഷിം പാപ്പിനിശ്ശേരി, നവാസ്​ കണ്ണൂർ, റഫീഖ്​ വെളിയ​മ്പ്ര എന്നിവരും പ​െങ്കടുത്തു.